اتاپ وتكەن ءجون, ءابساتتار دەربىسالى - جاپونيانىڭ ماراپاتىن العان التىنشى قازاقستاندىق.
ءابساتتار دەربىسالى قازاقستانداعى جاپون ءتىلىنىڭ دامۋىنا جانە ەكى ەل اراسىنداعى قارىم-قاتىناستىڭ نىعايۋىنا قوسقان ۇلەسى ءۇشىن ماراپاتتالدى.
«بۇگىن جاپونيا يمپەراتورىنىڭ «كۇنشىعىس. التىن شۋاق» وردەنىن ءابساتتار دەربىسالىگە تابىستايمىن. جاپونيا مەن ءوز ەلىنىڭ اراسىنداعى قارىم-قاتىناستى دامىتۋعا ۇلەس قوسقانى ءۇشىن بۇل وردەنمەن شەتەلدىك ازاماتتار ماراپاتتالادى. ءابساتتار دەربىسالى قازاقستاندا جاپون ءتىلىن ۇيرەنۋگە ۇلەس قوسقانى ءۇشىن العىسىمىزدى بىلدىرەمىز. بۇعان دەيىن قازاقستاندا بۇل وردەن 5 ادامعا تابىستالعان», - دەدى جاپونيانىڭ توتەنشە جانە وكىلەتتى ەلشىسى.
2008 جىلى تۇڭعىش پرەزيدەنت - ەلباسى نۇرسۇلتان نازارباەۆ «ۇلكەن لەنتاداعى حريزانتەما وردەنىمەن» ماراپاتتالدى. 2006 جىلى قازاقستانداعى جاپون تۇتقىنداردىڭ زيراتىن ىزدەۋمەن اينالىسقان تاريحشى اسقانبەك الدانازاروۆ, 2017 جىلى «نەۆادا-سەمەي» حالىقارالىق يادرولىق قارۋعا قارسى قوزعالىستىڭ پرەزيدەنتى ولجاس سۇلەيمەنوۆ, پارلامەنت ءماجىلىسىنىڭ دەپۋتاتى نۇرلان دۋلاتبەكوۆ جانە استانا مەديتسينا ۋنيۆەرسيتەتى ديرەكتورلار كەڭەسىنىڭ توراعاسى تولەباي راحىپبەك «كۇنشىعىس, التىن شۋاق وردەنىمەن» ماراپاتتالعان.
