ماسەلەن, وتكەن جىلى عانا اشىلعان «جەتىسۋ» ساياباعىندا اعاشتار قۇرعاپ, قۇرعاق شوپتەر الىنباعان. سونداي-اق اعاشتاردىڭ قۋراعان بۇتاقتارى كەسىلمەگەن. سۋارۋ جۇيەسى اۋماقتا جۇمىس ىستەمەيدى. كەيبىر اعاشتار سۋدىڭ جەتىسپەۋىنە بايلانىستى وتە ناشار حالدە. «نۇرلى جول» جەلەكجولىندا كەيبىر گۇلزارلاردا گۇلدەر جوق, اعاشتار كەبۋدە. عاشىقتار ساياباعى دا ءدال وسىنداي جاعدايدا, سىنعان پليتالار فونتان كەلبەتىن بۇزىپ تۇر.
بوتانيكالىق باقتا گۇلدەر وتىرعىزىلىپ, كوگالدار توسەلىپ, سۋارۋ جۇيەسىن قالپىنا كەلتىرىپ, سۋبۇرقاقتاردىڭ جۇمىسىن ىسكە قوستى. مۇندا دا اعاشتار, بۇتالار ەگىلۋى كەرەك. اكىمشىلىك عيماراتتارىنىڭ الاڭىندا سۋارۋدىڭ دۇرىس ەمەستىگىنەن جانە ارزان شىمتەزەك تاڭداۋ سالدارىنان گۇلدەر سولعان. وسىمدىكتەرمەن بىرگە ارامشوپتەر وسەدى.
قالا اكىمى اتاپ وتكەندەي, «استانا-زەلەنستروي» اق جۇمىسىن قالپىنا كەلتىرۋ, وسىمدىكتەردى ەمدەۋ جانە تۇراقتى نەگىزدە اعاشتاردى, گۇلدەر مەن بۇتالاردى سۋارۋمەن اينالىسۋ قاجەت.
