ايماقتار • 21 تامىز، 2019

الماتىدا شىعىس اينالما جولى جىلدامدىعىن ساراپشىلار تالقىلادى

17 رەتكورسەتىلدى

الماتى اكىمدىگىنىڭ ءباسپاسوز ورتالىعىندا وتكەن بريفينگتە اۆتوموبيل ساراپشىسى، تاۋەلسىز اۆتوموبيل وداعىنىڭ (تاو) توراعاسى ەدۋارد ەدوكوۆ شااج مەن ءال-فارابي داڭعىلى بويىندا جىلدامدىقتىڭ 80 كم/ساعات بولۋى ءتيىس ەكەنىن دالەلدەيتىن ناقتىلى مالىمەتتەر كەلتىردى. سپيكەر بارلىق جكو جول قوزعالىسى ەرەجەسىن ساقتاماۋ مەن بۇزۋدان (ولاردىڭ ىشىندە تەك كولىك جۇرگىزۋشىلەر عانا ەمەس، جاياۋ جۇرگىنشىلەر، ۆەلوسيپەدشىلەر مەن ساموكاتشىلار جانە باسقالارى بار) بولاتىندىعىن، جىلدامدىق رەجيمى سولاردىڭ ءبىر قۇرامداس بولىگى عانا ەكەنىن ايتتى.

قالانىڭ ءباسپاسوز قىزمەتىنىڭ مالىمەتى بويىنشا، «جكو ستاتيستيكاسى مكا قۇرامىنا ەنەتىن ماگيسترالدا اپاتتىڭ تومەن ەكەنىن كورسەتتى، مىسالى ءال-فارابي داڭعىلىندا اپاتتى جاعدايلار تولە بيمەن سالىستىرعاندا از. ءتىپتى، اپاتتىڭ نەدەن بولعانى دا ءجىتى تەكسەرىلمەيدى، كولىك جۇرگىزۋشى ماس بولىپ، جول-كولىك وقيعاسىنا ۇرىنسا، ماگيسترالدەگى جىلدامدىق رەجيمىنىڭ وعان قانداي قاتىسى بار؟! باسقا اپاتتاردىڭ سالدارى دا مىنە، وسىندا»، - دەدى ە. ەدوكوۆ.

ول ءوزىنىڭ سوزىندە مەگاپوليستەردە ءتۇرلى كوشە تيپتەرى ءۇشىن ءتۇرلى جىلدامدىق رەجيمدەرىنىڭ قولدانىلاتىنىن الەمدىك تاجىريبەنىڭ كورسەتىپ وتىرعانىن ايتتى. ماسەلەن:- جەرگىلىكتى جولداردا (مەكتەپتەرگە، اۋرۋحانالارعا، ماگازيندەرگە جاقىن ورنالاسقان تۇرعىن ۇيلەر بار تولەباەۆ، جامبىل، بوگەنباي باتىر جانە باسقا كوشەلەردە) – جىلدامدىق 40 كم/ساعات;- ماگيسترالدى جولداردا (تولە بي، اباي، ساتپاەۆ، سەيفۋللين، نازارباەۆ، روزىباكيەۆ جانە باسقالارى) – 60 كم/ساعاتقا دەيىن; - قالالىق ماگيسترالدەردە (كوپجولاقتى، باعدارشامسىز، بۇرىلىسسىز) – كىشى كولىك اينالىمى (رىسقۇلوۆ، رايىمبەك، سايىن، ءال-فارابي، شااج) – 90 كم/ساعاتقا دەيىن.

ساراپشى ۇلكەن قالالاردا اينالمالى كولىك ماگيسترالدارىنىڭ ورتالىق كوشەلەردەگى جۇكتەمەنى ازايتۋ جانە قالانىڭ ءبىر شەتىنەن ەكىنشىسىنە جىلدام جەتۋ، ءترانزيتتى ترافيكتى قايتا باعىتتاۋ ءۇشىن قاجەت ەكەنىن باسا كورسەتتى. مكا سول ءۇشىن قۇرىلعان بولاتىن. «جاياۋ جۇرگىنشىلەر ءۇشىن جىلدامدىعى جوعارى كولىك ماگيسترالدەرى قاۋىپتى، سوندىقتان ولارعا شەكتەۋ قويىلادى، ايتپاقشى VisionZero پرينتسيپتەرىنىڭ ءبىرى وسىعان نەگىزدەلگەن، ياعني جاياۋ جۇرگىنشى جىلدامدىعى جوعارى جولداردى كەسىپ وتپەۋلەرى ءتيىس»، - دەدى اۆتوساراپشى.

الماتىنىڭ كىشى كولىك اينالىمى – بۇل ءال-فارابي داڭعىلىن، سايىن كوشەسىن، رىسقۇلوۆ داڭعىلىن، قۇلجا تراكتىن، شىعىس اينالما جولىن قامتيتىن بولىك، 2011 جىلى سوڭعىسى ىسكە قوسىلعان سوڭ شەكتەلدى. كىشى كولىك اينالىمىنىڭ جالپى ۇزىندىعى - 39،2 كم. ءار ۋچاسكەدەگى اۆتوجولدار ەنى ءتۇرلى ۋچاسكەلەردە 4-تەن 6 جولاققا دەيىن. قالانىڭ 8 اۋدانىنىڭ 6-ىن قامتيدى.

قىركۇيەك ايىندا قاۋىپسىزدىك ارالدارى پايدا بولادى

الماتى اكىمدىگىنىڭ ءباسپاسوز ورتالىعىندا الماتى قالاسى قوعامدىق كەڭەسىنىڭ توراعاسى راحمان الشانوۆ پەن جپق باستىعى تورەحان ءيسيننىڭ قاتىسۋىمەن الماتى قالاسىنىڭ جولدارىندا قاۋىپسىزدىكتى قامتاماسىز ەتۋ جانە ءولىمدى ازايتۋدىڭ قوسىمشا شارالارى تۋرالى بريفينگ وتكىزگەن بولاتىن.

پوليتسيا دەپارتامەنتىنىڭ (بۇدان ءارى – جپ) مالىمەتى بويىنشا سوڭعى جەتى ايدا الماتى قالاسىنىڭ اۋماعىندا جول-كولىك وقيعالارىندا (جكو) قازا بولعانداردىڭ سانى 73-تەن 83 ادامعا دەيىن ء(وسىم 13،7%) كوبەيگەن. قالا اۋماعىنداعى اپاتتىق ۋچاسكەلەردىڭ ءبىرى – الاتاۋ اۋدانىنىڭ اۋماعى بولىپ تابىلادى. اتاپ ايتقاندا، ساين (4)، مومىش ۇلى (5)، سولتۇستىك اينالىم (3)، جانقوجا باتىر (2) كوشەلەرى.

تالداۋ ناتيجەلەرى بويىنشا ءولىم-ءجىتىمنىڭ نەگىزگى سەبەپتەرى رەتىندە ساراپشىلار  كوشەلەردىڭ جارىقتاندىرىلماۋى، باعدارشامدار مەن جاياۋ جۇرگىنشىلەر وتپەلىنىڭ از بولۋى، كولىك جىلدامدىعىن تومەندەتۋ ءۇشىن جاساندى كەدىر-بۇدىر ەلەمەنتتەرىنىڭ كوپتىگى، قوزعالىس قاۋىپسىزدىگىن باقىلايتىن بەينەكامەرالاردىڭ جەتكىلىكسىزدىگى سياقتى ولقىلىقتاردى انىقتاعان.

وسىنداي كەمشىلىكتەرگە بايلانىستى قالا اكىمدىگى پوليتسيا دەپارتامەنتىمەن بىرلەسە وتىرىپ  جىل سوڭىنا دەيىن 208 كوشەگە جارىق ورناتۋ جوسپارلانۋدا. جاياۋ جۇرگىنشىلەر وتەتىن جەتپىسكەي وتكەلگە جارىق قويۋ، كريمينوگەندىك جانە اپاتتى ۋچاسكەلەردى جارىقتاندىرۋ ماسەلەسىن شەشۋدى جولعا قويدى. 2020 جىلدىڭ سوڭىنا دەيىن قالانىڭ بارلىق اۋلالارى مەن كوشەلەرىنە جارىق ورناتۋ جوسپارلانىپ، قالا بويىنشا «سەرگەك» بەينەكامەرالارىن ورناتۋ جۇمىستارىنا باسا نازار اۋدارىپ وتىر. ياعني، قوسىمشا 707 بەكەت ورناتىلسا، جول-كولىك وقيعالارىنا اسا بەيىم 72 ۋچاسكە قايتا قۇرىلاتىن بولادى. بۇرىلۋ راديۋسى قىسقارتىلىپ، تروتۋارلار سانى مەن پاندۋستاردى كوبەيتۋ، سونداي-اق، ستاتيستيكا بويىنشا جول-كولىك وقيعاسىن 46 پايىزعا دەيىن تومەندەتۋگە مۇمكىندىك بەرەتىن 50 ۋچاسكەدە قىركۇيەك ايىندا قاۋىپسىزدىك ارالدارى پايدا بولادى دەپ جوسپارلاندى. ال رەتتەلمەيتىن قيىلىستاردا قوسىمشا 7 باعدارشام ورناتۋ، 12-گە جۋىق رەتتەلمەيتىن جاياۋ جۇرگىنشىلەر وتكەلىنە (مەكتەپ ماڭى) LED-جارىقتاندىرۋ جۇمىستارى اياقتالۋعا جاقىن. سونداي-اق، رەتتەلمەيتىن 3 جاياۋ جۇرگىنشىلەر وتكەلىنە سي-5 تىرەكتەرىندەگى بەلگىلەرمەن جابدىقتاۋ بويىنشا جۇمىستار اياقتالۋدا. سونداي-اق كولىك قۇرالدارىنىڭ جىلدامدىعىن ماجبۇرلەپ تومەندەتۋ ءۇشىن جاساندى كەدىر-بۇدىرلىقتىڭ سانىن ارتتىرۋ، مەكتەپ ماڭىنداعى جانە ادامدار كوپ جينالاتىن جەرلەردە رەتتەلمەيتىن جاياۋ جۇرگىنشىلەر وتكەلدەرىن ورناتۋ بويىنشا جۇمىستار جۇرگىزىلۋدە.

 

الماتى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار