ايماقتار • 21 تامىز، 2019

الماتىدا «بيۋدجەتكە قاتىسۋ» جوباسىنا وتىنىشتەر قابىلدانۋدا

20 رەتكورسەتىلدى

«بيۋدجەتكە قاتىسۋ» قاناتقاقتى جوباسىنا وتىنىشتەردى قابىلداۋ OpenAlmaty پورتالى ارقىلى 19 تامىزدان باستاپ ىسكە قوسىلدى.  وتىنىشتەردى قابىلداۋ مەرزىمى 1 قىركۇيەككە دەيىن جالعاسادى. جوبالاردى قابىلداۋ مەرزىمى اياقتالعاننان كەيىن ساراپتاۋ كوميسسياسى ىرىكتەپ، 20-29 قىركۇيەك ارالىعىندا تۇرعىنداردىڭ داۋىس بەرۋى وتەدى، وندا جەڭىمپاز جوبالار انىقتالادى. جوباعا ۇسىنىستاردى بەرۋ ءتارتىبى مەن ىرىكتەۋ كريتەريلەرى، ساراپتاۋ كوميسسيالارىنىڭ فۋنكتسيالارى تۋرالى تولىق اقپاراتتى OpenAlmaty قالالىق پورتالىندا «2019-2020 جىلدارعا ارنالعان الماتى قالاسىنىڭ «بيۋدجەتكە قاتىسۋ»  قاناتقاقتى جوباسىن ۇيىمداستىرۋ بولىمىنەن قاراپ، تانىسۋعا بولادى.

قالانىڭ ءباسپاسوز قىزمەتىنەن حابارلاعانىنداي، 2019-2020 جىلدارعا ارنالعان «بيۋدجەتكە قاتىسۋ» قاناتقاقتى جوباسى اياسىندا اۋلالاردى اباتتاندىرىپ، ساياباقتار مەن سكۆەرلەردى قۇرۋعا، سپورت الاڭدارىن جاساپ، كوشەلەرگە جارىق ورناتۋعا، بۇدان وزگە قالالىق ورتانى جاقسارتىپ، مەگاپوليس تۇرعىندارىنىڭ ءومىر ءسۇرۋ ورتاسىن جاقسارتۋ سياقتى يدەيالاردى بيۋدجەت قاراجاتى ەسەبىنەن جۇزەگە اسىرۋعا بولادى.

جوباعا سايكەس الماتىنىڭ سەگىز اۋدانىنا قالا بيۋدجەتىنەن 500 ملن تەڭگە ءبولۋ قاراستىرىلعان. قالالىق اكىمدىكتىڭ OpenAlmaty budget.open-almaty.kz (web-نۇسقاسى قولجەتىمدى، ءموبيلدى نۇسقاسى دايىندالۋدا) قوعامدىق قابىلداۋ پورتالى ارقىلى قالا تۇرعىندارى اشىق تۇردە وزدەرىنىڭ ۇسىنىستارى مەن جوبالارىن ەنگىزۋگە مۇمكىندىكتەرى بار.

ۇزدىكتەردى قالا تۇرعىنداردىڭ وزدەرى داۋىس بەرۋ ارقىلى انىقتايدى. سونىمەن قاتار قالالىق قوعامدىق كەڭەسىنىڭ مۇشەلەرى، ساراپشىلار، ءماسليحات دەپۋتاتتارى، ۇەۇ وكىلدەرى دە جوباعا ءوز باعاسىن بەرەدى.

جوباعا ۇسىنىسىلعان وتىنىشتەر ءبىر اۆتور - ءبىر ءوتىنىم - ءبىر نىسان ارىقىل قابىلدانادى جانە نىساننىڭ يگىلىگى جالپىعا ورتاق بولۋى، نىساننىڭ جوسپارلى اۋدان اۋماعىندا بولۋى، جالپى پايدالانۋداعى جەر ۋچاسكەسىندە جانە ت.ب. ورنالاسۋى ءتيىس.

قالانىڭ ءباسپاسوز قىزمەتىنىڭ مالىمەتى بويىنشا، بيۋدجەتكە قاتىسۋ نەمەسە پارتيسيپاتيۆتىك بيۋدجەت – بۇل ازاماتتاردىڭ قاتىسۋىمەن ازىرلەنگەن جەرگىلىكتى بيۋدجەت. قالا تۇرعىندارى بيۋدجەتتىك ۇدەرىستىڭ بارلىق ساتىلارىندا - جوسپارلاۋ، تالقىلاۋ جانە مونيتورينگ سياقتى باسىم ماسەلەلەر بويىنشا قارجىلىق شەشىمدەردى قاراۋعا جانە قابىلداۋعا ۇلەس قوسادى.

العاش رەت ءپارتيسيپاتيۆتى بيۋدجەت 1988 جىلى برازيلياداعى پورت-الەگري قالاسىندا ەنگىزىلدى. ازاماتتار قالالىق بيۋدجەتتى بولۋگە قاتىستى. پارتيسيپاتيۆتىك بيۋدجەت پورت-الەگري قالاسىنا ينفراقۇرىلىم، كولىك، دەنساۋلىق ساقتاۋ، ءبىلىم بەرۋ جانە تۇرعىن ءۇي جاعدايلارى بولىگىندە ءومىر ءسۇرۋ جاعدايىن جاقسارتۋعا كومەكتەستى. بۇۇ بۇل پروتسەستى «وڭ تاجىريبە» ۇلگىسى رەتىندە تانىدى. دۇنيەجۇزىلىك بانك ءپارتيسيپاتيۆتى بيۋدجەتتى قالالىقتاردىڭ ءومىر ءسۇرۋ ساپاسىن جاقسارتۋ بويىنشا قۇرالدار جيىنتىعىنا قوستى.

بۇگىندە ءپارتيسيپاتيۆتى بيۋدجەت نۇر-سۇلتان، پاريج، لوندون، سەۋل، ماسكەۋ، كيەۆ، لەيپتسيگ جانە وش قالاسىندا قولدانىلادى.

الماتىداعى بيۋدجەتكە قاتىسۋ ماقساتى - قالا تۇرعىندارىنىڭ ۇسىنىستارى مەن باستامالارى نەگىزىندە مەگاپوليس اۋداندارىنىڭ اۋماقتارىن دامىتۋ جانە اباتتاندىرۋ. جوبا ۇسىنىسىنىڭ اۆتورى قازاقستان رەسپۋبليكاسىنىڭ ازاماتى، ورالمان، ەل اۋماعىندا تۇراقتى تۇراتىن شەتەلدىك جانە ازاماتتىعى جوق ادام بولا الادى.

جوبالىق ۇسىنىستار budget.open-almaty.kz پورتالى ارقىلى بەرىلەدى. ول ءۇشىن ءوتىنىمدى تولتىرۋ قاجەت (جوبالىق ۇسىنىستىڭ اتاۋىن، ونىڭ سيپاتتاماسىن، وبەكتىنىڭ مەكەنجايىن كورسەتۋ)، جوبالىق ۇسىنىستىڭ ەسكيزى مەن سمەتاسىن مىندەتتى تۇردە قوسا تىركەۋ قاجەت (شامامەن الىنعان بولۋى مۇمكىن). سونداي-اق، قالاۋىڭىز بويىنشا اعىمداعى جاعدايىنىڭ فوتوسۋرەتتەرىن جانە پرەزەنتاتسيالاردى قوسا الاسىز.

ءبىر جوبانىڭ ەڭ جوعارعى قۇنى 100 ملن تەڭگەدەن اسپاۋى ءتيىس. ىسكە اسىرۋعا رۇقسات بەرۋ ءۇشىن جوبا الماتى تۇرعىندارىنىڭ 10-نان استام داۋىسىن جيناۋى ءتيىس. قالانىڭ ءبىر تۇرعىنى جەكە ەتسق پايدالانا وتىرىپ، ءۇش جوبالىق ۇسىنىسقا داۋىس بەرۋگە قۇقىلى.

مىناداي جوبالىق ۇسىنىستار  قۇرىلىس-مونتاج جۇمىستارىن جۇرگىزبەي جسق ازىرلەۋگە عانا ەسەپتەلگەن; فراگمەنتتى (بولاشاقتا قوسىمشا ەلەمەنتتەردى ىسكە اسىرۋدى تالاپ ەتەتىن); الماتى قالاسىن دامىتۋ باعدارلاماسىنا جانە قر زاڭناماسىنا سايكەس كەلمەيتىن;كوممەرتسيالىق سيپاتتاعى جانە ت. ب. قاراۋعا قابىلدانبايدى.

اۋداندىق اكىمدىكتەردىڭ ساراپتاۋ كوميسسيالارى جوبالاردىڭ ءتارتىپ تالاپتارىنا، قر زاڭناماسىنىڭ تالاپتارىنا، الماتىنىڭ دامۋ باعدارلاماسىنا سايكەستىگىنە ىرىكتەۋدى جۇزەگە اسىرادى، سونداي-اق قاناتقاقتى جوبانىڭ ىسكە اسىرىلۋ قورىتىندىسىن قارايدى.

اۋداندىق اكىمدىكتىڭ ساراپتاۋ كوميسسياسىنىڭ دەربەس قۇرامىن اۋدان اكىمى قالىپتاستىرادى جانە بەكىتەدى.

ساراپتاما كوميسسياسىنىڭ قۇرامىنا كەمىندە ەكى ءماسليحات دەپۋتاتى، اۋداندىق ساۋلەتشى، قۇرىلىس سالاسىنداعى مامان، قۇرىلىس جوبالارى بويىنشا شىعىندار سمەتاسىن جاساۋ بويىنشا جۇمىس تاجىريبەسى بار مامان، الماتى قالاسى قوعامدىق كەڭەسىنىڭ كەمىندە ءتورت وكىلى، قوعامدىق ۇيىمداردىڭ كەمىندە ءتورت وكىلى كىرەدى.

الماتى

سوڭعى جاڭالىقتار

ىستىق تاماق تاراتتى

قازاقستان • بۇگىن، 17:59

جاقسى اكىم جالعىز جۇرەدى

تانىم • بۇگىن، 17:02

بەتپەردە كيگەن كوكتەم

تانىم • بۇگىن، 16:55

ۇقساس جاڭالىقتار