ايماقتار • 21 تامىز، 2019

«الماتى-بىشكەك» تاس جولى قۇرىلىسىنىڭ 60 پايىزى اياقتالدى

49 رەتكورسەتىلدى

بۇل تۋرالى الماتى وبلىسى اكىمدىگى ءباسپاسوز قىزمەتى حابارلادى.

جولدىڭ بويىندا ۇزىندىعى 700 مەتردى قۇرايتىن ۇلكەن ەستاكادا سالىنادى.

«قازاۆتوجول» كومپانياسى ماماندارى ونى تولىعىمەن 2021 جىلى پايدالانۋعا بەرىلەدى.   ال، وعان دەيىن قالاعا كىرىپ شىعاتىن تۇرعىندارعا كەپتەلىسپەن جۇرۋىنە تۋرا كەلەدى»، دەپ حابارلايدى الماتى وبلىسى  اكىمدىگى ءباسپاسوز قىزمەتى.

كولىك تىزگىندەگەن جاندار ءۇشىن تاس جولدىڭ تالقاندالۋى قيىنشىلىققا سوقتىعاتىنى راس. سونداي ماسەلەلەردىڭ ءبىرى – رەسپۋبليكالىق دەڭگەيدە جول بولىپ تابىلاتىن «التىن وردا» بازارى ارقىلى وتەتىن الماتى-بىشكەك كۇرە جولى. ءارى-بەرى وسى تاس جولدىڭ بويىمەن وتكەن جولاۋشىلاردىڭ جانايقايىنان «قۇرىلىس جۇمىستارى قاشان بىتەدى، ەسكى كۇرە جولدىڭ الداعى ءتۇرى قانداي بولماق؟» دەگەن سان ساۋالداردى ەستىپ جاتاتىنىمىز دا بەلگىلى.
جالپى، تاس جولدىڭ قۇرىلىس جۇمىسى 2017 جىلدىڭ قاراشا ايىندا باستالعان ەدى. ۇزىندىعى 3 شاقىرىم 859 مەتردى قامتيتىن بۇل جول بولىگىنىڭ كەڭەيتىلۋى الداعى ەكى جىل ىشىندە ەرەكشە تۇرگە ەنىپ، قازىرگى كورىنىسىنەن مۇلدەم وزگەشە بولماق. اتالعان ناقتى ايتقاندا، اقساي وزەنىنەن اسىل ارمان تۇرعىن ءۇي كەشەنىنە دەيىن جۇرگىزۋشىلەر مەن جاياۋ جۇرگىنشىلەرگە ارنالعان جولداردى جاساۋ.
ءبىرىنشى كەزەڭدە جوبالانىپ وتىرعان جول بولىگىنىڭ قۇرىلىس جۇمىسى 2020 جىلدىڭ شىلدە ايىنا جوسپارلانۋدا. بۇل ۋاقىت اراسىندا الماتى قالاسىنىڭ شىعا بەرىس جولى مەن اقساي وزەنى اراسىنداعى تاس جولدىڭ جوندەلۋى كوزدەلىپ وتىر. ياعني، «الماتى-بىشكەك» داڭعىل جولىندا ورنالاسقان «التىن وردا» بازار ماڭىنداعى 16-19 كم ارالىقتاعى جول بولىكتى ايتۋعا بولادى. وسى ارالىقتا الدىمەن اۆتوكولىكتەرگە ارنالعان قاراما-قارسى باعىتتا بەس-بەستەن ون جولاقتى جولدار جاسالىناتىن بولادى. ونداعى بەس جولاقتىڭ ەكەۋى، ەش بۇرىلىستى قاجەت ەتپەيتىن ترانزيتتىك جول اعىمىنا ارنالعان. قالعان ەكى جولاعى جەرگىلىكتى ءجۇرۋ جولدارىنا لايىقتى ەتىلىپ جاسالىنباق. ياعني، بۇل جولدار ارقىلى جان-جاققا بۇرىلىپ، ءوز باعىتىڭىزبەن كەتە بەرسەڭىز بولادى. اتالعان ترانزيتتىك پەن جەرگىلىكتى جول ءجۇرۋ جولدارىنىڭ اراسىن 0،5 (جارتى) مەترلى قاۋىپسىز جولاعى ءبولىپ تۇرادى. سونداي-اق، 5 جولاقتىڭ سوڭعى، ءارى شەتكىسى تەك قوعامدىق كولىكتەرگە ارنالاتىنداي بولىپ سالىنباق. وسىنداي قاراما-قارسى باعىتتاعى ەكىنشى 5 جولاق تا ءدال وسى تيپتە بولادى.

«التىن وردانىڭ ساعىزشا سوزىلعان قۇرىلىسى قالالىقتاردى ابدەن قاجىتىپ ءبىتتى. قالاعا كىرىپ-شىعۋ جولىندا   ۇزىن سونار كەپتەلىستىڭ قىسقارار ءتۇرى جوق. ەكى جىلعا جۋىق ۋاقىتتان بەرى جۇرگىزىلىپ كەلە جاتقان قۇرىلىستىڭ ءالى 40 پايىزى اياقتالماعان»، دەيدى قازاۆتوجول ماماندارى.  

قازىرگى تاڭدا جول جۇمىستارىنىڭ 60 پايىزدان استامى اياقتالدى.

بۇل جوبانىڭ بارىسىندا ءبىز نەگىزگى جولدىڭ بويىندا ۇزىندىعى 700 مەتردى قۇرايتىن ۇلكەن ەستاكادا سالىنادى. جانە «اپورت»، «لەرۋا مەرلەن»، «جەتى قۇرداس» ساۋدا كەشەندەرىنىڭ ماڭىندا اينالما ەستاكاداسى سالىنادى تاعا تارىزدەس. جانە اقساي وزەنىنەن وتەتىن 8 جولاقتى كوپىر سالىنادى. سونىمەن قاتار، «اسىل ارمان» تۇرعىن ءۇي كەشەنىنىڭ الدىندا «التىن وردا» مەن «بارلىق» بازارىن ءبىر-بىرىنە قوساتىن جەردە جانە «اپورت» كەشەنەنىڭ ماڭىندا ءجولۇستى جاياۋ جۇرگىنشىلەر جولى سالىنادى»،  دەدى «قازاۆتوجول» ۇك» اق الماتى وبلىسى بويىنشا فيليالى ديرەكتورىنىڭ ورىنباسارى نۇرحات اقىلتاەۆ.

 

الماتى

سوڭعى جاڭالىقتار

ۇقساس جاڭالىقتار