وعان رەسپۋبليكالىق ۇيعىر, كورەي, شىمكەنت قالالىق ورىس, قوستاناي وبلىستىق ورىس جانە ءى.وماروۆ اتىنداعى وبلىستىق قازاق دراما تەاترلارى قاتىسىپ وتىر. تەاتر ارتىستەرى قىزىل كىلەم ۇستىمەن ءجۇرىپ ءوتتى. مادەنيەت جانە سپورت مينيسترلىگى كينەماتوگرافيا جانە تەاتر باسقارقاماسىنىڭ باس ساراپشىسى گۇلنافيس مىرزاشەۆا مينيستر اقتوتى رايىمقۇلوۆانىڭ قۇتتىقتاۋىن جەتكىزدى. قوستاناي وبلىستىق مادەنيەت باسقارماسىنىڭ باسشىسى ەربول قالماقوۆ وبلىس اكىمى ارحيمەد مۇحامبەتوۆتىڭ اتىنان فەستيۆالگە قاتىسۋشى تەاترلار ۇجىمدارى مەن كورەرمەندەردى قۇتتىقتادى.
«توبىل-تورعاي ءوڭىرى تالانتتارعا باي. سونىڭ ىشىندە قازاق دراما تەاترىنىڭ باستاۋىندا تۇرعان سەركە قوجامقۇلوۆ, ەلۋباي ومىرزاقوۆ, قاپان بادىروۆ جانە تالانتتى ءارتىس ءانۋار بورانباەۆ وسى توپىراقتىڭ پەرزەنتتەرى ەكەنىن ايتساق تا جەتكىلىكتى. بيىل ەلۋباي ومىرزاقوۆتىڭ تۋعانىنا 120 جىل تولادى. فەستيۆالدىڭ تابىستى وتۋىنە تىلەستەستىك بىلدىرگەن وبلىس اكىمى ارحيمەد مۇحامبەتوۆتىڭ سالەمىن جەتكىزگىم كەلەدى. سىزدەرگە وبلىستىق قازاق جانە ورىس دراما تەاترلارى ەلىمىزدىڭ تەاتر ونەرىنىڭ دامۋىنا ۇلەس قوسىپ كەلەدى. شارانىڭ باستى ماقساتى مادەني جانە تىلدىك الۋانتۇرلىلىكتى ساقتاۋ, ەتنوستار مادەنيەتىنىڭ ءوزارا تولىسۋى, ەلدەگى ەتنيكاارالىق كەلىسىمدى نىعايتۋ جانە قازاقستان حالقىنىڭ باي مادەنيەتىن ودان ءارى دامىتۋ بولىپ تابىلادى», دەدى ەرلان بولات ۇلى.
ء«بىز تەاتر بولعالى قوستانايعا ءبىرىنشى رەت كەلىپ وتىرمىز. فەستيۆالدىڭ ارقاسىندا قوستانايلىقتارعا ونەرىمىزدى ۇسىنامىز. ۇيعىر تەاترى ارتىستەرىنىڭ ونەرى قوستانايلىق كورەرمەندەر كوڭىلىنەن شىقسا ارمان جوق, «اپات» اتتى سپەكتاكلدى الىپ كەلدىك», دەيدى ق.قوجامياروۆ اتىنداعى ۇيعىر تەاترىنىڭ كوركەمدىك جەتەكشىسى يالقىنجان شامەەۆ.
فەستيۆال وتەتىن 20-23 تامىز ارالىعىندا قوستانايلىقتار مەن قالا قوناقتارى بەس تەاتردىڭ سپەكتاكلدەرىن تاماشالايدى. فەستيۆالدىڭ اشىلۋ سالتاناتىنا قازاقستان رەسپۋبليكاسى ءماجىلىسى پارلامەنتىنىڭ دەپۋتاتى ناتاليا جۇمادىلداەۆا قاتىستى. ول قازىلار القاسى قۇرامىندا دا بولادى.
قوستاناي
