س. وماروۆتىڭ ايتۋىنشا, ازىق-ت ۇلىك تاۋارلارىنا باعانىڭ وسۋىنە جول بەرمەۋ ءۇشىن قر اشم ءوندىرىس كولەمى مەن ەگىس القاپتارىنىڭ ارتۋىنا جاۋاپ بەرەدى.
ء«بىز الدىن-الا بولجام جاساپ وتىرمىز, وعان سايكەس بيىل ءبىز قازىرگى ۋاقىتتا بەلگىلى ءبىر باعانىڭ ءوسۋى بايقالىپ وتىرعان ونىمدەردىڭ 10 ءتۇرى بويىنشا ءوندىرىستى 2-2,5 ەسەگە ارتتىرامىز», دەدى مينيستر.
مىسالى, پياز بويىنشا بيىل ەگىس الاڭى 32,8 مىڭ گا قۇرايدى, بۇل 2018 جىلعى دەڭگەيدەن 4,1 گا نەمەسە 12,5%-عا (28,7 مىڭ گا) ارتىق. بولجامدىق جالپى جيىن-تەرىم 918 مىڭ تونناعا جۋىقتى قۇرايدى, بۇل تۇرعىنداردىڭ قاجەتتىلىگىن تولىق وتەيدى.
ءسابىز بويىنشا بيىل ەگىس القابى وتكەن جىلعى دەڭگەيدە جانە 20,6 مىڭ گا قۇرايدى, بولجامدىق جالپى جيىن-تەرىم 567,1 مىڭ تونناعا جۋىق, بۇل تۇرعىنداردىڭ قاجەتتىلىگىن تولىق وتەيدى.
كارتوپ بويىنشا ەگىس القابى 191,3 مىڭ گا قۇرايدى, بولجامدىق جالپى جيىن-تەرىم 3,7 ملن تونناعا جۋىقتى قۇرايدى, بۇل تۇرعىنداردىڭ قاجەتتىلىگىن تولىق وتەيدى.
جالپى, كوكونىس-جەمىس ونىمدەرى بويىنشا 2021 جىلعا قاراي ورتا ەسەپپەن ءبىر جارىم ەسەگە القاپتاردى كەڭەيتۋ جانە ءوندىرىستى ۇلعايتۋ جوسپارلانعان.
كۇرىشتىڭ ەگىس القابى وتكەن جىلعى دەڭگەيدە جانە 101,9 مىڭ گا قۇرايدى. بولجامدىق جالپى جيىن-تەرىم 482 مىڭ توننا, بۇل تۇرعىنداردىڭ كۇرىش داقىلىنا قاجەتتىلىگىن تولىق وتەيدى.
سيىر ەتى بويىنشا ىشكى قاجەتتىلىك بۇگىندە 97,7%-عا وتەلىپ وتىر, قۇس ەتى بويىنشا — 50%. وسى ەكى باعىت بويىنشا سالالىق باعدارلامالار ازىرلەنىپ, بەكىتىلگەن.
سيىر ەتى بويىنشا 2021 جىلعا قاراي ءوندىرىستى 500 مىڭ توننا سيىر ەتىنە دەيىن ءوسىرۋ كوزدەلگەن. ىشكى قاجەتتىلىك 100% وتەلدى. 2021 جىلعا قاراي قۇس ەتى بويىنشا ءوندىرىستى 300 مىڭ تونناعا دەيىن جەتكىزىپ, ىشكى قاجەتتىلىكتى تولىق وتەۋ جوسپارلانعان.
