«جاردەم» وڭتۇستىك جانە باتىس قازاقستاننىڭ 6 وبلىسىنىڭ 78 شالعاي ستانتسياسىن قامتيدى. ونىڭ باعىتىنا جامبىل, تۇركىستان, قىزىلوردا, اقتوبە, اتىراۋ جانە ماڭعىستاۋ وبلىستارى كىرەدى. «جاردەم» «دەنساۋلىق» پويىزى سياقتى ەلىمىزدىڭ شالعاي اۋداندارىندا تۇراتىن مەديتسينالىق قىزمەتكە مۇقتاج تۇرعىندارعا العاشقى مەديتسينالىق-الەۋمەتتىك جانە كونسۋلتاتسيالىق-دياگنوستيكالىق كومەك كورسەتەدى.
«2019 جىلدىڭ ءساۋىر ايىنىڭ سوڭىندا «Samruk-Kazyna Trust» الەۋمەتتىك جوبالاردى دامىتۋ قورى «قتج» ۇك» اق جانىنداعى الەۋمەتتىك جوبالار قورىمەن بىرگە «دەنساۋلىق» مەديتسينالىق پويىز جوباسىن ىسكە قوستى. وسى كۇنگە دەيىن دارىگەرلىك بريگادالار 15 000 قازاقستاندىققا مەديتسينالىق كومەك كورسەتكەن. تاجىريبە كورسەتكەندەي مۇنداي پويىزدار شالعاي اۋدانداردا تۇراتىن تۇرعىندار اراسىندا ۇلكەن سۇرانىسقا يە, سەبەبى مۇندا كادىمگى ەمxانادا كەزەكتىڭ كوپ بولۋىنا بايلانىستى قابىلداپ ۇلگەرمەيتىن دارىگەر ماماندار بار. سوندىقتان 6 ايماقتى ارالايتىن, وسىنداي قوسىمشا مەديتسينالىق پويىزدى ىسكە قوسۋدى شەشتىك», دەيدى «Samruk-Kazyna Trust» قورىنىڭ رەسمي وكىلى ىرگەباەۆ ميراس.
مەديتسينالىق بريگادا قۇرامىندا تەراپەۆت, پەدياتر, گينەكولوگ, xيرۋرگ, لور, كارديولوگ, ونكولوگ-ماممولوگ, ستوماتولوگ سياقتى ماماندار بار.
مەدپويىز مەديتسينالىق كابينەتتەرگە ساي جابدىقتالعان, العاشقى كومەك كورسەتۋ مەن دياگنوستيكالىق تەكسەرۋ جاساۋعا بولاتىنداي ەتىپ قامتىلعان 8 ۆاگوننان تۇرادى. مەديتسينالىق قۇرىلعىلاردىڭ قاتارىنا ەكگ, ۋدز اپپاراتى, وتوسكوپيالىق قۇرىلعى, گەماتولوگيالىق جانە بيوxيميالىق اناليزاتور, مەرلين ۋلترودىبىستىق سكانەرى, ستوماتولوگيالىق قۇرىلعىلار, فليۋروگراف, گاستروفيبروسكوپ جانە ت.ب. كىرەدى.
«جاردەم» پويىزى ءوز جۇمىسىن 2019 جىلدىڭ 24 جەلتوقسانىندا الماتى قالاسىندا اياقتايدى. پويىز 10 100 شاقىرىمعا جۋىق جول جۇرەدى دەپ جوسپارلانعان.
«مەديتسينالىق پويىز» جوباسى 2010 جىلدان باستاپ جۇزەگە اسىرىلىپ كەلەدى جانە وسى ۋاقىت ارالىعىندا شالعاي ەلدى مەكەندەردە تۇراتىن ادامدار ءۇشىن جىل سايىن اسىعا كۇتەتىن جوبا بولدى. وسىلايشا, مەديتسينالىق پويىز ماماندارىنا قارالۋ كەيبىر ادامدار ءۇشىن كۇردەلى اۋرۋلاردى انىقتاۋدىڭ سەبەبى بولۋى مۇمكىن.
