قوعام • 20 تامىز، 2019

ماسىل بولعاننان ماماندىق مەڭگەرگەنىم جاقسى – دەيدى كوپ بالالى انا زاعيپا ابدۋللاەۆا

17 رەتكورسەتىلدى

بەل­گىلى ءبىر كاسىپتى يگەرىپ، ەڭبەگىڭنىڭ زەينەتىن كورسەڭ، تاتقان ءدا­مىڭنىڭ دە ءتاتتى بولا تۇسەتىنى بار. بۇل ءۇشىن ارينە، ۋاقىتشا جۇمىس­­سىز جۇرگەن ادامداردى باعىتتاپ، وڭ جول سىلتەۋدىڭ ماڭىزى زور.

شالعايداعى استراحان اۋدا­نىندا جۇمىس كوزى كوپ ەمەس. حالقى سيرەك قونىستانعان بۇل ولكەدە جۇرت نەگىزىنەن مال سۇمە­سىمەن كۇنەلتەدى. اۋىل شارۋا­شى­لىعىمەن اينالىساتىن سەرىك­تەستىكتەردە ەڭبەك ەتىپ، ناپاقاسىن تاۋىپ جۇرگەندەر دە از ەمەس. ال كوپ بالالى وتباسىلار مەملەكەت قامقورلىعىن كورۋدە. اتاپ ايتاتىن بولساق، بۇگىنگى تاڭدا اۋداندا 200-گە جۋىق كوپ بالالى وتباسى اتاۋلى الەۋمەتتىك كومەككە يە. سولاردىڭ ىشىندە ءوز الدىنا ماماندىق يگەرىپ، شاعىن دا بولسا شارۋاسىن دوڭگەلەتۋگە ۇمتىلىپ وتىرعانداردى كورگەندە رازى بولاسىڭ. بىلتىر كوپ بالالى ەكى انا ءۇش ايلىق كۋرستى وقىپ، كادەگە جارايتىن كاسىپ يگەرۋدە. بيىل ءۇش بىردەي انا تالپىنىپ وتىر.

– ىلگەرى ۇمتىلعانداردىڭ ءبىرى – زاعيپا ابدۋللاەۆا، – دەيدى اۋدان­دىق جۇمىسپەن قامتۋ ورتا­لى­عىنىڭ ديرەكتورى جانار مۇحا­مەد­­­جانوۆا، – سەگىز بالا تاربيەلەپ وتىرعان انا. بۇل وتباسى اي سا­يىن 140 مىڭ تەڭگە كولەمىندە الەۋمەتتىك كومەك الىپ وتىر.

الدىنان جۇمىس ۇركىپ وتىراتىن انانىڭ ۇيدەگى شارۋاسى دا شاش-ەتەكتەن. ايتسە دە قاراپ وتىرعاننان قارەكەت ەتكەن جاقسى. وسى ءبىر وي قىسقا مەرزىمدى كۋرسقا جە­تەكتەپ اكەلگەن. ءسويتىپ ناۋ­باي­ ماماندىعىن يگەرىپ شىقتى. نارتتاي قىزىل، ءدامى ءتىل ۇيىرەتىن نان ءپىسىرۋ تاڭسىق جۇمىس ەمەس. ونسىز دا سەگىز بالانىڭ اس-سۋىن دايىنداۋعا ابدەن ۇيرەنگەن كوپ بالالى انا ەندى اس اتاسىمەن ءتامام جۇرتتى قامتاماسىز ەتپەك.

– تۇڭعىشىم 23-تە، كەنجەمىز ءبىر جاستان جاڭا استى، – دەيدى زاعيپا ابدۋللاەۆا، – جولداسىم جەرگىلىكتى شارۋاشىلىقتاردىڭ بىرىندە وت جاعۋشى بولىپ جۇمىس ىستەيدى. تابىسىمىز از بولعان سوڭ، مەن دە ءبىر جاعىنان شىعىسىپ، قاراپ وتىرعانشا قاراجات تاپ­قا­نىم جاقسى ەمەس پە؟ كۇز دە كەلىپ قالدى. ءبىلىم وشاعىنا باراتىن بالالاردى كيىندىرۋىمىز كەرەك. ءوز قولدارى ءوز اۋىزدارىنا جەتكەنشە كومەكتەسپەسە بولمايدى عوي.

انانىڭ ايتۋىنا قاراعاندا، اتاۋلى الەۋمەتتىك كومەك تارىققان جان­دار­دىڭ قوس قولتىعىنان دەمەي­تىن پەرىشتەدەي. قازىر ولار بار تاپ­قان­دارىن باسپانا سالىپ الامىز دەپ قۇرىلىسقا جۇمساپ جاتىر ەكەن.

جەتكىنشەكتەرىنىڭ ەرتەڭ-اق ازامات اتانىپ كەتەتىنىنە كۇمان جوق. سەگىز بىردەي پەرزەنتىن وبەك­تەپ باعىپ وتىرعان انا­لا­رى­نىڭ جانىن جالداپ ناۋبايحانادا جۇمىس ىستەگەنىن كورىپ وسكەن بالا­لار دا انا دەگەننىڭ قانداي قۇدى­رەت ەكەنىن سانالارىنا ءسىڭىرىپ وسپەي مە؟!

 

اقمولا وبلىسى

 

سوڭعى جاڭالىقتار

تەاتردىڭ ونلاين تارتۋى

رۋحانيات • بۇگىن، 20:42

ءۇي جانۋارىنان ۆيرۋس جۇعا ما؟

كوروناۆيرۋس • بۇگىن، 18:39

التىن قورىمىز كوبەيىپ كەلە جاتىر

قازاقستان • بۇگىن، 17:30

اقمولادا تاعى ءبىر ناۋقاس انىقتالدى

كوروناۆيرۋس • بۇگىن، 16:07

قارعىن سۋ بالكاشيندى باسىپ قالدى

ايماقتار • بۇگىن، 16:05

ۇقساس جاڭالىقتار