دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميەتىنىڭ توراعاسى ليۋدميلا بيۋرابەكوۆانىڭ ايتۋىنشا «كۇيدىرگى اۋرۋىنىڭ تىركەلۋى بويىنشا جاعدايدى كوميتەتكە تۇراقتى باقىلاۋعا الىپ وتىر».
وڭىردە اقمولا وبلىسى اكىمىنىڭ ورىنباسارى عالىمجان ابدىحالىقوۆتىڭ توراعالىق ەتۋىمەن دەنساۋلىق ساقتاۋ, ۆەتەريناريا سالاسىنداعى بارلىق مۇددەلى مەملەكەتتىك ورگانداردىڭ, ىشكى ىستەر ورگاندارىنىڭ جانە توتەنشە جاعدايلار جونىندەگى دەپارتامەنتتەردىڭ وكىلدەرىنىڭ قاتىسۋىمەن كۇيدىرگى اۋرۋى جونىندەگى اۋماقتىق شتاب جۇمىس ىستەۋدە. وشاقتا بايلانىستا بولعان ادامداردى انىقتاۋعا جانە ولاردى ۆاكتسيناتسيالاۋعا باعىتتالعان ەپيدەمياعا قارسى جانە ەپيزووتياعا قارسى ءىس-شارالار ۇيىمداستىرىلدى, دەپ اتاپ ايتتى كوميتەت باسشىسى.
بۇدان باسقا, ارشالى اۋدانىنىڭ اكىمى ەپيزووتيالىق جانە ەپيدەميولوگيالىق وشاقتاردى شوعىرلاندىرۋ جانە جويۋ جونىندەگى ءىس-شارالار جوسپارىن بەكىتتى.
بۇگىنگى كۇنى كۇيدىرگى اۋرۋى بويىنشا بەس كۇدىكتى جاعداي تىركەلدى, ونىڭ ىشىندە تورتەۋى زەرتحانالىق راستالدى. جەكەمەنشىك اۋلادا ۆەتەريناريالىق كۋالاندىرۋسىز ءىرى قارا مالدى (سيىردى) ءمۇجبۇرلى سويۋ كۇيدىرگى اۋرۋىن جۇقتىرۋعا سەبەپ بولعان.
ولگينكا اۋىلىنا اۋلاىشىلىك وڭدەۋ جۇرگىزۋ ءۇشىن قوسىمشا 3 مەديتسينا قىزمەتكەرى جىبەرىلدى. مەديتسينالىق ۇيىم ءدارى-دارمەكتەرمەن تولىق كولەمدە قامتاماسىز ەتىلدى.
2019 جىلعى 12-15 تامىز ارالىعى كەزەڭىندە بايلانىستا بولعان بارلىق ادام ارشالى اۋدانىنىڭ جۇقپالى اۋرۋلار بولىمشەسىنە ەمدەۋگە جاتقىزىلعانىن اتاپ ايتۋ قاجەت. ەپيدەميولوگيالىق تەرگەپ-زەرتتەۋدىڭ ناتيجەسىندە 2019 جىلعى 2-6 تامىز ارالىعىندا جەكەمەنشىك اۋلادا ۆەتەريناريالىق كۋالاندىرۋسىز سيىردى ءماجبۇرلى سويۋ جۇرگىزىلگەنى انىقتالدى. سيىردىڭ يەسىنىڭ ايتۋىنشا سيىردى سويۋعا 5 ادام قاتىسقان.
قازىرگى ۋاقىتتا ۇلتتىق ساراپتاما ورتالىعىنىڭ جانە ماسعۇت ايقىمباەۆ اتىنداعى قازاق كارانتيندىك جانە زوونوزدىق ينفەكتسيالار عىلىمي ورتالىعىنىڭ اسا قاۋىپتى ينفەكتسيالار زەرتحاناسى ناۋقاستاردان سەرولوگيالىق زەرتتەۋ ءۇشىن ماتەريال العان.
سونداي-اق زەرتحانالىق قىزمەتتەردىڭ ماماندارى اۋرۋدىڭ ءبىرىنشى جاعدايى تىركەلگەن ساتتەن باستاپ وشاقتاردان اۋرۋ مالدىڭ ماتەريالدارىن ء(ىرى قارا مالدىڭ ەتى, ءجۇنى, ءشوپ, ءسۇت, تەزەك, جەم, ارپا, قۇراما جەم), مال سويعان ورىننىڭ توپراعىنىڭ, سۋىنىڭ جانە تەزەگىنىڭ سىناماسىن ىرىكتەۋگە الدى.
زەرتتەۋلەردىڭ ناتيجەلەرى بويىنشا سايكەس كەلمەگەن سىنامالار انىقتالعان جوق, 3 بيوسىناما جانە 5 توپىراق سىناماسى قوسىمشا ىرىكتەۋگە الىندى, ولار باكتەريولوگيالىق تۇرعىدان زەرتتەلۋدە.
سونىمەن قاتار ۆەتەريناريالىق ينسپەكتسيا سانيتاريالىق قىزمەتپەن, پوليتسيامەن جانە مەديتسينا قىزمەتكەرلەرىمەن بىرلەسىپ, 156 ءۇيدىڭ اۋلاسىنىڭ ىشىنە ء(ىشىنارا قايتالاۋ ارقىلى), 236 ءارتۇرلى وبەكتى مەن ۇيىمعا اۋلاىشىلىك تەكسەرۋ جۇرگىزۋدى, تۇرعىندارعا 392-دەن استام جادناما تاراتتى.
اۋلاىشىلىك تەكسەرۋ بارىسىندا بايلانىستا بولعان ادامدار انىقتالىپ, ولارعا مەديتسينالىق باقىلاۋ ورناتىلدى, كۇنىنە ەكى رەت تەرمومەتريا, قاراپ-تەكسەرۋ جۇرگىزىلەدى.
ءۇي وشاقتارىنا قورىتىندى دەزينفەكتسيا جۇرگىزىلدى, توسەك-ورىن جابدىقتارىن كامەرالىق دەزينفەكتسيالاۋ جۇرگىزىلدى. جۇرگىزىلگەن دەزينفەكتسيالاۋدى باقىلاۋ ءۇشىن 70 شايىندى الىندى, ونىڭ ىشىندە 50 شايىندى تەرىس, 20 شايىندىمەن جۇمىس جۇرگىزىلۋدە.
اعىمداعى جىلعى 16 تامىزدا قازاقستان رەسپۋبليكاسى اۋىل شارۋاشىلىعى مينيسترلىگى ولگينكا اۋىلىنىڭ تۇرعىندارىنا تيەسىلى جانۋارلاردا كۇيدىرگى اۋرۋىنىڭ دياگنوزى زەرتحانالىق راستالۋىنا بايلانىستى اقمولا وبلىسىنىڭ ارشالى اۋدانىنىڭ ميحايلوۆ اۋىلدىق وكرۋگىنىڭ ولگينكا اۋىلىنىڭ اۋماعىنا كارانتين ەنگىزگەنىن اتاپ ايتامىز.
اقمولا وبلىسىنىڭ ارشالى اۋدانىنىڭ ميحايلوۆ اۋىلدىق وكرۋگىنىڭ ولگينكا ەلدى مەكەنىنىڭ اۋماعىنداعى ادامداردىڭ, اۋىل شارۋاشىلىعى مالدارىنىڭ جانە كولىك قۇرالدارىنىڭ قوزعالىسىنا (كەلۋى جانە كەتۋى) شەكتەۋ ورناتىلدى.
وڭىردەگى جاعدايدى كوميتەت باقىلاۋعا الىپ وتىر, ەپيدەمياعا قارسى ءىس-شارالار جالعاسۋدا.
سونىمەن قاتار كوميتەتتىڭ باسشىسى ازاماتتارعا قاۋىپسىزدىك پەن گيگيەنانىڭ قاراپايىم قاعيدالارىن ساقتاۋعا ۇسىنىم بەرەدى. سونداي-اق دەنە قىزۋى كوتەرىلىپ, ءوزىن ناشار سەزىنۋ جاعدايلار كەزىندە تۇرعىلىقتى جەرى بويىنشا مەديتسينالىق مەكەمەگە جۇگىنۋگە ۇسىنىم بەرەمىز.
