ايماقتار • 19 تامىز، 2019

شاعىن اۋدانداردىڭ تۇرعىندارىمەن كەزدەستى

30 رەتكورسەتىلدى

بۇگىندە شىمكەنت قالاسى اكىمدىگى ءۇشىن شەشىمى كەزەك كۇتتىرمەيتىن ءتۇيىننىڭ ءبىرى – قالاعا تۇركىستان وبلىسىنان قوسىلعان ەلدى مەكەندەردىڭ ينفراقۇرىلىم ماسەلەسى. شاھارعا قوسىلىپ، جارتىمىز بۇتىندەلىپ، جىرتىعىمىز جامالادى دەگەن اعايىننىڭ جىل ون ەكى اي كوتەرەتىنى دە وسى تاقىرىپ.

جۋىردا قالاعا ىرگەلەس ەلدى­ مە­كەن­دەر­دىڭ وسى ماسەلەسىمەن تانىسۋ ءۇشىن قالا اكىمى ەرلان ايتاحانوۆ مەملەكەت باسشىسىنىڭ شەتكى ايماقتاردى دامىتۋ تۋرالى تاپسىرماسىن جۇزەگە اسىرۋ ماقساتىندا «بازارقاقپا»، «قاراباستاۋ» تۇرعىن الابى مەن «كوكساي-2» جانە «كوكساي-3» شاعىن اۋداندارىن ارالاعان بولاتىن.

جۇمىس ساپارى كەزىندە قالا باسشىسىنا تۇركىستان وبلىسىنىڭ سايرام جانە تولەبي اۋداندارىنان ەڭبەكشى اۋدانىنا قوسىلعان 16 ەلدى مەكەننىڭ ينفراقۇرىلىم ماسەلەسى بويىنشا اۋدان اكىمى عالىم يلياسوۆ باياندادى.

شاھار باسشىسى اۋىل بيلەرىمەن جانە جەرگىلىكتى تۇرعىندارمەن كەزدەسىپ، قور­دا­لانعان ماسەلەلەردىڭ ءتۇيىنىن تارقاتتى. اتاپ ايتقاندا، اۋدانداعى ىستەن شىققان كارىز جۇيەسى، «سايرام سۋ» وزەنىنەن وتەتىن ەسكى كوپىرگە كۇردەلى جوندەۋ جۇرگىزۋ، «بادام» وزەنىنىڭ ۇستىمەن وتەتىن جاڭا كوپىردىڭ قۇرىلىسى، جەكە تۇرعىن ۇيلەردىڭ قۇجاتتارىن زاڭداستىرۋ مەن الەۋمەتتىك نىسانداردىڭ قاجەتتىلىگى سىندى پروبلەمالار كوتەرىلدى. سونىمەن قاتار تۇرعىنداردى ساپالى ەلەكتر قۋاتى مەن اۋىز سۋ جانە گاز ماسەلەسى دە مازالايدى ەكەن. قالا اكىمى بۇل ماسەلەلەردىڭ كەزەڭ-كەزەڭىمەن شەشىلەتىنىن جەتكىزدى.

 «بۇگىندە تۇركىستان وبلىسىنان قالا اۋماعىنا قوسىلعان 41 ەلدى مەكەن بار. ولاردىڭ كوبىندە ءالى كۇنگە دەيىن اۋىز سۋ، جارىق، كوگىلدىر وتىن مەن قاتىناس ءۇشىن كوشە جولدارى جوق. ەلباسى نۇرسۇلتان نازارباەۆ Nur Otan پارتياسىنىڭ سەزىندە ۇكىمەتكە اۋىلدىق جەرلەرگە تۇرعىن ءۇي، جول سالىپ، كوممۋنيكاتسيا تارتۋ قاجەتتىگىن تاپسىرعان بولاتىن. وسى جۇمىستاردىڭ بارلىعىن مەگاپوليسكە قوسىلعان اۋدانداردا دا جۇرگىزۋىمىز قاجەت. كوپ جىلداردان بەرى قوردالانىپ كەلە جاتقان كوممۋنالدىق ماسەلەلەردى رەت-رەتىمەن شەشەتىن بولامىز»، دەدى قالا اكىمى.

قالا باسشىسى شىمكەنتتەگى كوك­بۇلاق، يگىلىك شاعىن اۋدانى تۇرعىن­دا­رىنىڭ دا تالاپ-تىلەكتەرىن تىڭداپ، وتىنىشتەرىن ورىنداۋعا ۋادە بەرگەن ەدى. اراعا 10 كۇن سالىپ، اكىمنىڭ حالىققا بەرگەن ۋادەسى نەگىزىندە №180 اۆتوبۋس باعىتى اشىلدى. وسىلايشا ون كۇن بۇرىن بەرىلگەن ۋادە ورىندالىپ، اتالعان ەكى اۋىلعا سالقىنداتقىشى بار قوعامدىق كولىكتەر قاتىناي باستادى.

«5 جىلدان بەرى ەلدى مەكەننەن قالاعا قاتىناۋ مۇڭ بولعان. شاعىن اۆتوبۋسقا سىيماي قالىپ قويعاندار تاكسيمەن قاتىنايتىن. ەندى مىنە، جاڭا اۆتوبۋس ءجۇرىپ، قۋانىشىمىز كوبەيىپ وتىر»، دەدى ەلدى مە­كەن تۇرعىنى ءبيبىسارا بالاشوۆا.

بۇگىن­دە قالاعا قوسىلعان اۋىل-ايماقتاعى قوعامدىق كولىك ماسەلەسىن شە­شۋ ءۇشىن جەرگىلىكتى بيلىك 300-گە جۋىق جاڭا اۆتوبۋستار الىپ كەلدى. قازىرگى تاڭدا قوعامدىق كولىكتەر الەۋمەتتىك باعىتتار بويىنشا رەت-رەتىمەن قالا تۇعىندارىنا قىزمەت كورسەتە باستادى.

«قازىر قالادا 138، 158، 45، 96، 16، 10 جانە 113 باعىتتار بويىنشا دا جاڭا اۆتوبۋستار جولاۋشىلار تاسىمالداۋدا. الەۋمەتتىك ماڭىزدى 10 باعىتقا جاڭا قوعامدىق كولىكتەر جۇرە باستادى. №180 اۆتوبۋس سولاردىڭ ءبىرى. اكىمنىڭ ۋادەدە تۇرىپ، ماسەلەنى شەشكەنى – حالىق سەنىمىن ارتتىرىپ، بيلىكپەن اراداعى بايلانىستى ودان ءارى نىعايتا تۇسەرى انىق»، دەيدى اۆتوبۋس جۇرگىزۋشىسى بولات ساتقۇلوۆ.

ماسەلەنى جەدەل شەشكەنى ءۇشىن تۇر­عىنداردىڭ قالا اكىمى ەرلان قۋانىش­ ۇلىنا ايتار العىسى شەكسىز. ەندى قاتىناۋ جيىلىگى 5-10 مينۋتتان اسپاي­تىن جاڭا اۆتوبۋستار ەكى ەلدى مەكەننىڭ تۇرعىندارىن كوزدە­گەن جەرلەرىنە جەتكىزىپ جاتىر. قوعامدىق كولىك مەكەمەسىنىڭ جاۋاپتى قىزمەتكەرلەرىنىڭ ايتۋىنشا، جاڭا وقۋ جىلى باستالعاندا اۆتوبۋستاردىڭ سانى ەكى ەسەگە ارتپاق.

 

شىمكەنت

 

سوڭعى جاڭالىقتار

ۇقساس جاڭالىقتار