قازاقستان • 19 تامىز، 2019

تامىز كەڭەسىنە قاتىسۋشىلاردىڭ لەبىزى

416 رەتكورسەتىلدى

ابزال ساپاروۆ،

اۋداندىق ءبىلىم
ءبولىمىنىڭ باسشىسى:

– بيىلعى تامىز كەڭەسى بىزگە ءبىراز جىلدىق جوسپار قۇرۋعا نەگىز بولدى. ءبىلىم بەرۋ سالاسىنداعى قوردالانعان ماسەلەلەردى جۇيەلى شەشۋدىڭ جولدارى كورسەتىلىپ، مەملەكەت باسشىسى قاسىم-جومارت توقاەۆ اتالعان تۇيتكىلدەردىڭ ءتۇيىنىن تارقاتاتىن تاپسىرمالار بەردى. سونىڭ ىشىندە پەداگوگ كادرلارىنىڭ قۇرامى مەن كاسىبيلىگى، ءبىلىم ساپاسىن كوتەرۋ ءۇشىن كەشەندى شارالار رەتىندە مۇعالىمدەردىڭ بىلىكتىلىگىنە قاتىستى ايتىلعان پرەزيدەنتتىڭ تاپسىرماسى وتە ورىندى بولدى. ال «پەداگوگ مارتەبەسى» تۋرالى زاڭنىڭ قولدانىسقا ەنگىزىلۋ مەرزىمى بەكىتىلدى. بۇل – ءبىز اسىعا كۇتكەن قۇجات.

بۇدان بولەك، ءبىلىم بەرۋ جۇيەسىن تسيفرلاندىرۋ،  زاماناۋي عىلىم جانە ونى دامىتۋ جولدارى توڭىرەگىندە مينيسترلىك بىرقاتار مىندەتتى ايقىندادى. اتالعان ماسەلەلەر – كەزەك كۇتتىرمەس شەشىمدى قاجەت ەتەتىن وزەكتى تاقىرىپتار. ال مەن ءۇشىن ەڭ ەلەۋلىسى – قوسىمشا ءبىلىم بەرۋ تۋرالى جوسپارلانعان ءىس-شارالار. بالا ءومىرى ءۇشىن ونىڭ ماڭىزى وتە جوعارى.

 

باتىس قازاقستان وبلىسى،

شىڭعىرلاۋ اۋدانى

 

كەنجە سەرىكباي،

تۇرار جالعاسباي ۇلى اتىنداعى
«شايىر» ورتا مەكتەبىنىڭ ديرەكتورى:

– ءححى عاسىر عىلىم مەن تەحنيكانىڭ قا­رىش­تاپ دامىعان زامانى عانا ەمەس، وزگەرىس­تەر كەزەڭى بولىپ تۇر. سوعان ساي بالالار­دى قالىپتاستىرۋ جولىندا ءبىلىم بەرۋ سا­لاسىنىڭ ۇدايى وزگەرىپ وتىرۋى – زاڭدىلىق. بيىلعى تامىز كونفەرەنتسياسىنان بالالاردى تاربيەلەۋ، ءبىلىم بەرۋ، وقىتۋ جۇيەسىندە بىرقاتار ەلەۋلى وزگەرىس كۇتىپ تۇرعانىن ءتۇسىندىم.

بيىلعى تامىز كەڭەسى مەملەكەت باسشىسىنىڭ ارنايى كەلىپ قاتىسۋىمەن ەرەكشەلەندى. بۇل – سالماعى اۋىر سالانىڭ جۇگىن كوتەرۋ مەملەكەتتىڭ ماڭىزدى مۇددەسى، ەڭ نەگىزگى ساياساتتىڭ باسىم باعىتىنا اينالعانىنىڭ ايعاعى. ال كوڭىلگە جىلىلىق ۇيالاتقانى – قاسىم-جومارت كەمەل ۇلى اۋەلى ءبىلىم مەن عىلىمداعى مايتالمان مامانداردىڭ، سونداي-اق وسى سالاعا قاتىستى قوعامدىق قىزمەتكەر مەن اتا-انالار اتىنان كەلگەن وكىلدىڭ وي-پىكىرىن تىڭداپ، سوعان ساي ۇكىمەت پەن وبلىس باسشىلارىنا شارا قابىلداۋدى شەگەلەپ تاپسىرۋى.

كونفەرەنتسيادا ايتىلعان مۇعالىمدەردى 5 كۇندىك جۇمىس جۇيە­سىنە كوشىرۋ تۋرالى ۇسىنىستى قولدايمىن. 

 

ماڭعىستاۋ وبلىسى،

ماڭعىستاۋ اۋدانى

 

جانارگۇل قاسىمحانقىزى،

ەكپىندى اۋىلىنداعى م.اۋباكىروۆ اتىنداعى ورتا مەكتەپتىڭ ماتەماتيكا ءپانىنىڭ مۇعالىمى:

– القالى جيىندا ەلىمىزدەگى ءبىلىم بەرۋ ما­سەلەسىنە قاتىستى اۋقىمدى ماسەلەلەر قارال­دى. ونىڭ ىشىندە مەكتەپ مۇعالىمدەرىنىڭ كو­كەي­ىندە جۇرگەن، ءالى دە بولسا شەشىمى تابىل­ماعان جايتتار ءسوز بولىپ، الداعى ۋا­قىتتا كوپتەگەن ولقىلىقتاردىڭ ورنى تولا­تى­­نىنا سەنىم ۇيالادى. اسىرەسە پرەزيدەنتتىڭ ەل ۇكىمەتىنە ءتورت جىل­دىڭ ىشىندە مۇعالىمدەردىڭ جالاقىسىن ەكى ەسەگە ءوسىرۋدى تاپ­سىر­­عا­نى ۇستازدار قاۋىمىنىڭ ەڭبەگىن ەلەپ، قيىندىعى مەن قىزىعى قاتار جۇرەتىن سالاعا جاس مامانداردى ىنتالاندىردى دەسەم ارتىق ەمەس.

سونىمەن قاتار سىنىپ جەتەكشىلىگى مەن داپتەر تەكسەرگەنى ءۇشىن قو­سىمشا اقىنى ەكى ەسەگە ءوسىرۋ، ەڭبەك دەمالىسىنىڭ مەرزىمىن 56 كۇنگە دەيىن ۇزارتۋ، ماگيستر دارەجەسى ءۇشىن ۇستەمەاقى تولەۋ جا­نە تاعى باسقا شارالار كوزدەلىپ وتىر. 

ۇستاز ەڭبەگى قىزىقتى دا، قۋانىشتى بولعانىمەن، ءوز اۋىرت­پالىقتارى بار. سوندىقتان مۇعالىمنىڭ زەينەتكە شىعۋ جاسىن قايتا قاراپ، ءبىر جۇيەگە كەلتىرۋ ورىندى دەپ ويلايمىن.

 

الماتى وبلىسى،

الاكول اۋدانى

 

ۇلبيكە ومىربەكقىزى،

«سىر جۇلدىزى» بالاباقشاسىنىڭ تاربيەشىسى:

– بيىلعى تامىز كەڭەسىندە عىلىمدى اي­رىق­شا اتاپ ءوتۋ – تىڭ وزگەرىستەرگە باعىت ال­­­عان­­­نىڭ بەلگىسى. ياعني، بالانى وقىتىپ، ءبىلىم بەرىپ قانا قويماي، ولاردى عىلىمعا تار­­­بيە­­لەۋدى، قىزىعۋ­شى­­لىعىن ارتتىرۋدى بالا­باق­شادان باستاۋ دەپ ءتۇسىندىم. عىلىم ادام ومىر­ىندە، كوبىمىز ويلاي­تىنداي، دوكتورانتۋراعا تۇسكەندە ەمەس، بالا كۇننەن باستالادى. اي­نالا قورشاعان ورتانىڭ، كۇندەلىكتى تىرشىلىك پەن قاراپايىم سۋ­دىڭ كۇيىن وزگەرتۋى – بالا ءۇشىن كادىمگى عىلىم. مەكتەپ، ۋنيۆەرسيتەتتە بەلگىلى ءبىر دەڭگەيدە كۇردەلەنە تۇسەتىنى بولماسا، الەمدى ءتۇسىنۋ، ونىڭ قۇپياسىن اشۋ، عىلىمعا قادام باسۋ بالاباقشادان، دەمەك بىزدەن باستالادى. وسى ورايدا، الداعى وقۋ جىلىندا بالا­لاردى قىزىقتىراتىن تاجىريبەلەر جاساۋدى جاڭاشا تۇردە جالعاستىرماقپىن.

مەكتەپكە دەيىنگى ءبىلىم سالاسىندا 7 جىلدان اسا جۇمىس ىستەپ كەلەمىن. تاربيەشى ماماندىعىنىڭ بەدەلى ەلىمىزدە ەڭ تومەنگى ساتىدا ەكەنىنە كوزىم جەتتى. نەلىكتەن دەگەن سۇراق كوپ تولعاندىردى. الداعى قاڭتاردان باستاپ كۇشىنە ەنەتىن «پەداگوگ مارتەبەسى تۋرالى» زاڭ وسى ءبىر الاڭداۋشىلىق ويىما نۇكتە قويادى دەپ سەنەمىن.

 

قىزىلوردا

 

مەيىرجان تەمىربەك،

اقمەكتەپ ورتا مەكتەبىنىڭ
ينفورماتيكا ءپانىنىڭ مۇعالىمى:

– مەملەكەت باسشىسىنىڭ ءوزى پەداگوگتاردى كاسىبي قىزمەتىنە جاتپايتىن، ءجونسىز جۇ­مىستارعا جەگۋدى جوياتىن، نۇكتە قوياتىن تاپسىرمانى وبلىس اكىمدەرىنە بەردى. ونىڭ وڭ ناتيجەسىن الداعى ۋاقىتتا كۇتەمىز.

ال ۇشتىلدىلىككە قاتىستى ويعا كەلسەم، قاسىم-جومارت  كەمەل­ ۇلى وتە ورىندى ايتتى. كەيبىر پاندەردى اعىلشىن تىلىندە وقىتۋعا كوشى­رۋدە مەكتەپتىڭ، مۇعالىمنىڭ دايىندىعى، وقۋشىلاردىڭ قالاۋى ەسكەرىلۋى ءتيىس. سەبەبى بارلىق ءبىلىم وشاقتارى مەن پەداگوگتار وعان دايىن ەمەس. ءپان مۇعالىمدەرى تۇگىلى، اعىلشىن ءتىلىن 4 جىل وقىپ كەلگەن مامانداردىڭ وزىنە بيولوگيا مەن حيميانىڭ تەرميندەرى وڭاي تيمەيدى، سوندىقتان وعان بىرتىندەپ كوشكەن ءجون. ەلباسى ايتقانداي، قازاق ءتىلى ءبىرىنشى بولۋى كەرەك. مەملەكەتتىك ءتىل عىلىم تىلىنە اينالۋى قاجەت.

وبلىستاعى تالقىلاۋلاردا ارىپتەستەر بولىپ جەتكىزگەن ۇسىنى­سى­مىزدىڭ ىشىندەگى 5 كۇندىك جۇمىس جۇيەسىنە كوشۋ ەنگىزىلەتىن بولدى. سوعان قۋانىشتىمىز. الايدا ءبىر ۇسىنىسىمىز قولداۋ تاپپاي قالدى. بۇل – مۇعالىمدەردىڭ زەينەت جاسىن شەگەرۋ ماسەلەسى.

 

شىعىس قازاقستان وبلىسى،

تارباعاتاي اۋدانى

 

ايسۇلۋ ساپارقىزى،

وقۋشىنىڭ اتا-اناسى:

– ءداستۇرلى تامىز كەڭەسىنىڭ بيىلعى وتى­رى­سىندا پرەزيدەنت قاسىم-جومارت توقاەۆ­­تىڭ الدىندا بارشا اتا-انالار اتى­نان اي­تىلعان 7 بالالى انانىڭ ۇسىنى­سىن قولداي­مىن. ءسوزسىز، بىزگە اتا-انا قاۋىمداس­تىعىن قۇرعان دۇرىس، دەسە دە ونىڭ فۋنكتسياسى قازىرگى كوميتەتتەردەي تەك قارجىلىق پروبلەمانى شەشەتىن ۇيىم بولىپ قالماۋى قاجەت. ادامداردىڭ نيەتى ءارتۇرلى، تاربيە مەن ءبىلىمدى اقشامەن باعالاۋعا بولمايدى. قاۋىمداستىقتى باسقاراتىن ادام ابدەن ەكشەلگەن جوس­پار­مەن جۇمىسقا كىرىسۋى كەرەك. سونىڭ ىشىندە، بالالارىمىزدىڭ تەكتى، ساۋاتتى بولىپ ءوسۋى ءۇشىن ارنايى ۇيىرمەلەر ۇيىمداستىرۋدا قاۋىم­داستىقتىڭ ىقپالدى بولعانىن قالايمىن. ماسەلەن، لاتىن گرا­في­كاسىنا كوشكەلى جاتىرمىز. وعان دا قوسىمشا ساباق جۇرگەنى ءجون.

ال اعىلشىن ءتىلىن اتا-انالاردىڭ قالاۋىنا قالدىرۋ وڭ شەشىم بولدى. اتا-انالاردىڭ چاتىنداعى تالقىلاۋدان-اق كوزىم جەتىپ وتىر، ولاردىڭ كوبىسى مەن سەكىلدى شەت ءتىلىن 5 سىنىپتان باستاۋدى قولاي كورەدى. سەبەبى ءوزى انا ءتىلىن تولىق مەڭگەرىپ، سويلەپ، جازىپ، ەسەپ شى­عارىپ ۇيرەنبەگەن بالا وزگە ءتىلدى قويىرتپاققا اينالدىراتىنى انىق.

 

اقمولا وبلىسى،

قوياندى اۋىلى

سوڭعى جاڭالىقتار

تويدىڭ سوڭى توپىرلاعان اۋرۋ

ايماقتار • بۇگىن، 10:22

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار