بيىل ءساۋىر ايىندا قۇرىلىسى باستالىپ, كۇنى كەشە پايدالانۋعا بەرىلگەن اۆتوۆوكزال كەنتاۋ قالاسىنا قاراستى شاعا اۋىلىندا ورنالاسقان.
شىعىس ۇلگىسىندە سالىنعان, 600 اۆتوبۋسقا ارنايى 15 تۇراق قاراستىرىلعان. تاۋلىگىنە 10-مىڭ ادامعا دەيىن قىزمەت كورسەتە الادى. جاڭا ۆوكزالانا مەن بالا, دارىگەرلىك بولمەسىمەن,كۇتۋ زالى, اسحانا, تىنىعاتىن ورىندارمەن قامتىلعان. سونداي-اق اۆتوۆوكزال اۋماعىندا بارلىق ستاندارتقا ساي اۆتوكولىك جۋ ورنى, تەحنيكالىق قىزمەت كورسەتۋ ورىندارىن اشۋ جوسپارلانىپ وتىر.
اۆتوۆوكزالدان كۇندەلىكتى 30 باعىت بويىنشا 50-دەن استام اۆتوبۋس جولعا شىعىپ, تاشكەنت, سامارقاند, نۇر-سۇلتان, الماتى, شىمكەنت جانە وزگە دە وبلىستارعا, قالالارعا, اۋدان ورتالىقتارىنا ارنالعان باعىتتار بويىنشا حالىققا قىزمەت كورسەتەدى. تۇركىستاندىق 30-دان استام تۇرعىن تۇراقتى جۇمىسپەن قامتىلادى.
جاڭا اۆتوۆوكزالدى قالا ىشىلىك تۇراقتى باعىتتار جەلىسىمەن بايلانىستىرۋ ءۇشىن قوسىمشا 5 قالالىق جاڭا باعىتتىڭ قوزعالىس سىزبالارى بەكىتىلگەن. سونداي-اق 7 تۇراقتى باعىتتىڭ قوزعالىس سىزبالارى وسى اۆتوۆوكزالعادەيىن ۇزارتىلعان.
تۇركىستان وبلىسى
