ايماقتار • 18 تامىز، 2019

اسقار جۇماعاليەۆ «زاماناۋي اقپاراتتىق تەحنولوگيالار» IT فورۋمىنا قاتىستى

24 رەتكورسەتىلدى

وبلىس ورتالىعىنداعى ينۆەستورلار ۇيىندە وتكەندە  فورۋمعا وڭىرگە جۇمىس ساپارىمەن كەلگەن تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ، وبلىس اكىمى بولات باقاۋوۆ قاتىستى.

فوتو: ۆالەري بۋگاەۆ

بولات باقاۋوۆتىڭ ايتۋىنشا، وبلىستاعى كاسىپورىندار قازىر «تسيفرلى قازاقستان» باعدارلاماسىنا قوسىلعان. يننوۆاتسيالىق تەحنولوگيالار بويىنشا وڭىردە 40-قا جۋىق جوبا جۇزەگە اسىرىلۋدا.

مينيستر اسقار جۇماعاليەۆ وڭىردەگى تسيفرلىق جۇيەدە جۇمىس جاساپ جاتقان نىساندار قىزمەتىمەن،  زاماناۋي تەحنولوگيالاردى تانىستى.

مىسالى، TKR كومپانياسى جاتتىعۋ قۇرىلعىلارىن، ينتەراكتيۆتى مودۋلدەر، وقىتۋعا ارنالعان جۇيەلەر قۇراستىرۋ، زاماناۋي 3D تەحنولوگيالار ارقىلى ءتۇرلى قۇرىلعىلاردى تانىستىرۋمەن اينالىسادى.

سوندىقتان، جوعارى وقۋ ورىندارى، ءىرى كاسىپورىندار تاراپىنان سۇرانىس كوپ. قازىرگى ۋاقىتتا TKR كومپانياسىنىڭ جوباسىن «قازاقستان اليۋميني» اق زاۋىتى پايدالانۋدا. باعدارلاما ارقىلى قىزمەتكەرلەرىن وقىتادى.

-ءبىزدىڭ باعدارلامالار ءتۇرلى باعىتتاعى دەرەكتەردى ينتەراكتيۆتى تۇردە بەرە الادى،-دەدى مينيسترگە كومپانيا وكىلدەرى.

مىسالى، جوعارى وقۋ ورىندارى John Deere تەحنيكاسىمەن جۇمىس جاساۋدى ءارتۇرلى تەحنيكامەن ۇيرەتۋى مۇمكىن.  ال،ءبىز ۆيرتۋالدى الەمدە سول تەحنيكانى قۇراستىرامىز. ستۋدەنتتەر جاسالعان تەحنيكامەن تاجىريبەدەن وتە الادى. وقۋ بىتىرگەن سوڭ ءوزى تاڭداعان جەردە جۇمىس جاسايدى.

وسىنداي جاڭاشىلدىقتى كورگەن اسقار جۇماعاليەۆ وڭىردەگى اقپاراتتىق تەحنولوگيالاردىڭ قولدانۋ بارىسىنا جاقسى باعا بەردى.

- ەلىمىزدە «تسيفرلى قازاقستان» باعدارلاماسىنىڭ العاشقى كەزەڭى جۇرگىزىلۋدە. وبلىس ورتالىقتارىندا، شاعىن قالالاردا ينتەرنەت قىزمەتى ۇزدىكسىز.  ەندىگى ماسەلە،ساپالى ينتەرنەتتى اۋىلدارعا جەتكىزۋ، دەدى مينيستر.

بۇدان كەيىن اسقار جۇماعاليەۆ وبلىس  ورتالىعىندا جۋىردا عانا اشىلعان «كوشى-قون قىزمەتى»، «حالىققا قىزمەت كورسەتۋ ورتالىعىندا بولدى.

«كوشى-قون قىزىمەتى»  ورتالىعى -شەتەلدىك ەڭبەك ميگرانتتارىنا ء«بىر تەرەزە» قاعيداتى بويىنشا قىزمەت كورسەتۋدە.

 «حالىققا قىزمەت كورسەتۋ ورتالىعىنا» بارعان ءمينيستردى ورتالىقتىڭ جۇمىسىمەن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ باسقارما ءتورايىمى اسەمگۇل بالتاش تانىستىردى.

فرونت-وفيس كۇنىنە  1200-گە جۋىق قىزمەت كورسەتەدى، ونىڭ جارتىسىنان كوبىن تۇرعىندار ەلەكتروندىق فورماتتا الادى.

 

پاۆلودار

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار