وعان اباي اتىنداعى وپەرا جانە بالەت تەاترىنىڭ ارتىستەرى قاتىستى. وسى تەاتردىڭ ديريجەرى جانە كوركەمدىك جەتەكشىسى, كومپوزيتور, ءشامشىنىڭ ۇلى مۇحتار قالداياقوۆ وسى جوبانى باسقارىپ كەلدى. ءان دەسە ءشامشىنى ەسكە الاتىن, ءشامشى دەسە ىشكەن اسىن جەرگە قوياتىن قوستانايلىقتار قالاداعى جاڭا مادەنيەت شاڭىراعى, مىڭ ورىندىق «جاستار سارايىنا» لىق تولدى.
مۇحتار قالداياقوۆ ديريجەرلىك ەتكەن وركەستردىڭ سۇيەمەلدەۋىمەن وپەرا جانە بالەت تەاترىنىڭ انشىلەرى ءشامشىنىڭ ىلعي كەڭ تاراعان اندەرىن ورىندادى. «قۇلاقتان كىرىپ, بويدى العان» سۇلۋ اندەر مەن انشىلەرگە قوستانايلىقتار دا قوشەمەتتەرىن ايامادى. قازاق ونەرى قارا شاڭىراقتارىنىڭ ءبىرى اباي اتىنداعى وپەرا جانە بالەت تەاترىنىڭ انشىلەرى تولەگەن راحىمباەۆ, دارحان جولدىباەۆ, فارحاد كوبەەۆ, راسۋل جارماعامبەتوۆ, بالۋان بەركەنوۆ, ازامات مالىشەۆ, ءناديا نادەنوۆا جانە تاتارستاننان كەلگەن ءانشى ايگۇل گارديسلاموۆا قوستانايلىقتاردى ءشامشى اندەرىنىڭ اسەرىنە بولەدى. ەسترادا ءانشىسى ديانا شاراپوۆا قوستاناي مۋزىكا مەكتەبى سكريپكاشىلارىنىڭ سۇيمەلدەۋىمەن ءشامشىنىڭ «وتىرارداعى توي» ءانىن ورىندادى. جاس سكريپكاشىلاردىڭ اراسىندا اتاقتى كومپوزيتوردىڭ نەمەرەلەرى الينا مەن اباي قالداياقوۆتار دا ونەر كورسەتتى.
وسى كونتسەرتتە تەكتىنىڭ تۇياعى مۇحتار قالداياقوۆ قوستانايدىڭ 140 جىلدىعىنا ارناپ, قالاعا «موي كوستاناي» اتتى ءانىن تارتۋ ەتىپ, ول تۇڭعىش رەت ورىندالدى.
«اتامىزدىڭ كەڭ تارالعان اندەرىنەن تۇراتىن ۇلكەن كونتسەرتتى ءبىز الماتى قالاسىنىڭ بۇرىنعى اكىمى باۋىرجان بايبەكتىڭ قولداۋىمەن الماتى قالاسىندا وتكىزگەنبىز. كونتسەرت ەكىنشى رەت وبلىس اكىمى ارحيمەد مۇحامبەتوۆتىڭ قولداۋىمەن قوستانايدا ءوتىپ وتىر. اتامنىڭ اندەرى حالقىنىڭ جۇرەگىنە جازىلىپ قالعان عوي, كورەرمەندەر وتە ىقىلاسپەن تىڭدادى» دەيدى كونتسەرتتىڭ پروديۋسسەرى, ءشامشىنىڭ كەلىنى بوتاگوز قالداياقوۆا.
قوستاناي
