ايماقتار • 17 تامىز، 2019

قوستانايدا كيىك ءمۇسىنى ورناتىلدى

201 رەتكورسەتىلدى

قوستانايدا جاڭا ءوسىپ كەلە جاتقان تۇرعىن اۋدانداعى «قوستاناي پلازا» ساۋدا ويىن-ساۋىق ورتالىعىنىڭ الدىندا كيكتىڭ ءزاۋلىم ءمۇسىنى ورناتىلدى.

قوستاناي قالاسىنىڭ 140 جىلدىعىنا ارنالعان مەرەكە اياسىندا ونىڭ اشىلۋ سالتاناتى ءوتتى. مارات ماحامبەتوۆ اينالى پلاستيكتەن جاساعان ءمۇسىننىڭ بيىكتىگى 7 مەتر. ارت-نىساندى قالانى دەكوراتيۆتى كوركەمدەۋ ءۇشىن ورناتسا دا، ونىڭ باستاپقى ماقساتى ودان بيىك تۇرادى. سوندىقتان ءمۇسىننىڭ اشىلۋ سالتاناتى اكتسيا-پەرفورمانس بولىپ تا سانالدى. ءمۇسىن اۆتورى مەن باستاماشىلار قوستانايلىقتاردىڭ جانە جالپى قازاقستاندىقتاردىڭ نازارىن  ەلىمىزدەگى وزەكتى الەۋمەتتىك ماسەلەگە اۋدارۋدى ماقسات تۇتىپتى. قوستاناي-تورعاي ءوڭىرىن مەكەندەيتىن «قىزىل كىتاپتىق» جانۋار قۇرىپ كەتۋدىڭ الدىندا تۇر.

اتالارىمىز «دالانىڭ بوتاگوزى» دەپ اتاعان كيىك قازاق دالاسىنىڭ ءبىر برەندى سانالادى. ول 1996 جىلى حالىقارالىق تابيعات قورعاۋ وداعىنىڭ قىزىل تىزىمىنە كىردى. 2002 جىلى قۇرىپ كەتۋدىڭ ەڭ جوعارى ساتىسىندا تۇرعانى، ياعني تابيعاتتاعى جانۋارلاردىڭ CR ءتۇرى مارتەبەسى بەرىلدى. ونى تەحنيكامەن اۋلاۋدىڭ ناتيجەسىندە 1992 - 2003 جىل ارالىعىندا ونىڭ سانى 50 ەسە ازايدى. ءبىر ميلليوننان 200 مىڭ عانا كيىك قالدى. 2019 جىلعى اۆياساناقتىڭ ناتيجەسى بويىنشا  قازىر دالامىزدا 334 400 كيىك جايىلادى.

قوستاناي قالاسىنىڭ تورىنەن كيىك ءمۇۇسىنىنىڭ ورىن الۋى تەك ساندىك قۇرال ەمەس، تابيعات جانايقايىن ادامدارعا مادەنيەت قۇرالدارى، زاماناۋي ونەر تۋىندىسى  ارقىلى ءبىلدىرۋ، جەتكىزۋ بولىپ تابىلادى. بۇل پروبلەمانى قوستاناي وبلىسى، قالاسى اكىمدىكتەرى مەن ۇكىمەتتىك ەمەس ۇيىمدار كوتەرىپ وتىر. كيىك ءمۇسىنىن ورناتۋ تۋرالى باستاما كوتەرگەن يرينا لي ونىڭ اشىلۋ سالتاناتىنا الماتىدان ادەيى كەلىپتى.

«بۇل باستاما الماتىدا الەۋمەتتىك جوبالار جارمەڭكەسىندە تۋدى. 6 جوبا بولدى، سولاردىڭ اراسىنان كيىك ءمۇيىزىن ساتۋ جارناماسى تۋرالى جوبا جەڭىسكە جەتتى. كيىك ءمۇيىزىن ساتىپ الۋعا جارناماسىنا قارسى قاراپ وتىرماي قيمىل جاساۋ كەرەك بولدى. كيىك نەگىزىەن قوستاناي وبلىسى دالاسىندا بولعاندىقتان، ءبىز اكتسيانى الماتىدا ەمەس، قوستاانيدۆا وتكزۋدى ءجون كوردىك، ءمۇسىن ورناتۋدى ۇسىندىق، ءوزىمىز كەلدىك» دەيدى يرينا لي.

قالا مەرەكەسىندە كيىك بەينەسى كوشەدە جۇرەدى.

 

 

قوستاناي

 

 

سوڭعى جاڭالىقتار

ۇعىنا بىلگەنگە – ۇلت تاعدىرى

ساياسات • بۇگىن، 06:57

كوڭىلگە مەدەت بولعان ماقالا

رۋحانيات • بۇگىن، 06:56

54 ادام جازىلىپ شىقتى

كوروناۆيرۋس • بۇگىن، 06:39

ەل بولىپ ەڭسەرەمىز

ساياسات • بۇگىن، 06:20

بۋمەرانگ

رۋحانيات • بۇگىن، 05:54

قورعاۋشىلارعا دا قولداۋ قاجەت

ايماقتار • بۇگىن، 05:46

تويدىڭ سوڭى توپىرلاعان سىرقات

ايماقتار • بۇگىن، 05:43

اقيرەكتە – ارىستان باب...

تانىم • بۇگىن، 05:33

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار