ايماقتار • 17 تامىز، 2019

سەناتورلار پەتروپاۆلداعى قۇرىلىس الاڭدارىن ارالادى

89 رەتكورسەتىلدى

پارلامەنت سەناتىنىڭ دەپۋتاتتارى ەرىك سۇلتانوۆ پەن ولگا پەرەپەچينا وبلىس ورتالىعىنداعى بىرقاتار قۇرىلىس الاڭدارىندا بولدى.

حالىق قالاۋلىلارى مەملەكەتتىك باعدارلاما بويىنشا تۇرعىزىلىپ جاتقان ءزاۋلىم ۇيلەردىڭ قۇرىلىسىمەن تانىستى. 332 پاتەر «7-20-25» باعدارلاماسى اياسىندا كۇزدە پايدالانۋعا بەرىلمەك. قۇرىلىسشىلاردىڭ ايتۋلارىنشا قارجىلاندىرۋ ماسەلەسىندە ەشقانداي پروبلەما جوق. الايدا، بولاشاق باسپانا تۇرعىندارىن كولىك تۇراقتارىنىڭ جەتىسپەۋشىلىگى الاڭداتادى. سەناتورلار «دوستىق مولل»-دىڭ قۇرىلىسىمەن دە تانىستى. الىپ ساۋدا جانە ويىن-ساۋىق ورتالىعى جىل اياعىنا دەيىن ىسكە قوسىلادى.

«قالانىڭ قاق ورتاسىندا ورنالاسقان بۇل نىساننىڭ قۇرىلىسى ءتۇرلى سەبەپتەرگە بايلانىستى ۇزاققا سوزىلىپ كەتكەنىن جاقسى بىلەمىز. قالتالى ينۆەستوردىڭ ارقاسىندا مىناداي جاڭا عيماراتتىڭ قۇرىلىسى قايتادان جاندانا تۇسكەن.. مۇنداي كەشەن كورشى وڭىرلەردە جوق»، دەدى  ەرىك سۇلتانوۆ.

Nord River جشس ديرەكتورى مۇحتار يگىباەۆ ورتالىقتا سۋپەرماركەت، كيىم دۇكەندەرى، كينوتەاتر مەن وزگە دە دەمالىس ورىندارى ورىندارى ورنالاساتىنىن جەتكىزدى.

دەپۋتاتتار «بەرەكە» شاعىن اۋدانى تۇرعىندارىنىڭ وتىنىشىنە وراي بۇل اۋماقتا بوي كوتەرىپ، جاڭا وقۋ جىلى قارساڭىندا  ەسىگىن ايقارا اشاتىن مەكتەپ قۇرىلىسىمەن تانىستى. سولنەچنىي 2 كەنتىندە تۇرعىزىلعان 212 جەر ءۇي يەلەرىن كۇتىپ تۇر. باۋ-باقشا وسىرگىسى كەلەتىندەر ءۇشىن 10 سوتىق جەر دايىن. سۋ قۇبىرلارى تارتىلعان. باسپانانىڭ ءار شارشى مەترى 120 مىڭ تەڭگەنىڭ مولشەرىندە. كەلەسى جىلى اسفالت جول سالىنباق. ازىق-ت ۇلىك دۇكەنى مەن شاشتاراز اشۋ بەلگىلەنگەن

رادۋگا كومپانياسى سۇيىق سابىن ءوندىرىسىن جولعا قويىپ، العاشقى پارتياسىن تۇتىنۋشىلارعا جونەلتىپتى. سەناتورلار ەلىمىزدە سۇرانىسقا يە  ونىمدەر شىعاراتىن كاسىپورىندارعا مەملەكەت تاراپىنان ۇلكەن قولداۋ جاسالاتىنىن جەتكىزدى. بىلتىر سالىنعان كوكونىس قويماسىندا تۇراقتاندىرۋ قورىنىڭ  ازىق-ت ۇلىك تۇرلەرى  ساقتالادى. 

 

 

سولتۇستىك قازاقستان وبلىسى

 

 

سوڭعى جاڭالىقتار

ۇقساس جاڭالىقتار