ولار ۆيلكيتسكي ارالىن تەمىر قوقىستارىنان تازالاۋ اكتسياسىنا بەلسەنە اتسالىستى.
«كار تەڭىزىندە ورنالاسقان ارال يامال-نەنەتس اۆتونوميالىق وكرۋگىنىڭ ەڭ سولتۇستىگى بولىپ ەسەپتەلەدى. كەزىندە اسكەري بازا مەن مەتەوستانسا قونىس تەپكەن ارالعا مىڭداعان توننا تەمىر قالدىقتارى تاستالىپ, قورشاعان ورتا ايتارلىقتاي زارداپ شەككەن ەكەن. وسىدان بىرنەشە جىل بۇرىن ورىس گەوگرافيالىق قوعامى «جاسىل اركتيكا» حالىقارالىق ەكولوگيالىق ەكسپەديتسياسىن ۇيىمداستىرىپ, سودان بەرى ەكولوگيانى قورعاۋ شارالارى جۇيەلى تۇردە وتكىزىلىپ كەلەدى», دەيدى نۇرسەيىت ابدىرازاقوۆ پەن رومان گيريچەۆ.
ەكسپەديتسياعا قازاقستاننان, رەسەيدەن, مولدوۆادان جانە يزرايلدەن 30 ەرىكتى قاتىسىپتى. بۇگىندە بەلوە ارالى قالپىنا كەلتىرىلسە, ۆيلكيتسكي ارالى تولىق تازارتىلماق. قازىر بۇل ارالدا ەشكىم تۇرمايتىن كورىنەدى. 60 گەكتار اۋماقتان 200 توننادان استام تەمىر قالدىعى, جارتى مىڭداي ەسكى بوشكەلەر جينالىپ, 20 قۇرىلىس نىسانى بۇزىلىپتى.
كۇننىڭ سۋىقتىعىنا, ۇنەمى جەلدىڭ سوعىپ تۇراتىنىنا, ىلعالدىلىقتىڭ جوعارىلىعىنا قاراماستان جەرلەستەرىمىزساياحاتتان كەرەمەت اسەر الىپ, جاقسى تىنىعىپ قايتقاندارىن ايتادى. وزدەرىن سەرگەك سەزىنەدى.
سولتۇستىك قازاقستان وبلىسى
