«بيىل 2700 گەكتارگا القاپقا ءدال ەگىنشىلىك تەحنولوگياسىن ەنگىزدىك. بيدايمەن قاتار كۇنباعىس, سويا, ارپا, جۇگەرى سىناقتان وتەدى. قىتايلىق جانە امەريكالىق تاجىريبەلەردى قولدانۋ ارقىلى تەرىسكەيدىڭ كليماتى مەن توپىراعىنا ءتوزىمدى اۋىل شارۋاشىلىق داقىلدارى سۇرىپتارىن اۋدانداستىرماقپىز», دەدى ءوز سوزىندە ا. كۇرىشباەۆ.
شىنىندا دا, جەلمەن تەربەلىپ, جايقالا ءوسىپ تۇرعان ەل ريزىعى تىڭ تەحنولوگيالار مەن زاماناۋي قوندىرعىلاردىڭ كومەگىمەن وسىرىلگەن. مامانداردىڭ بولجامىنشا گەكتاپر بەرەكەلىگى 30 تسەنتنەردەن كەم بولمايتىن ءتۇرى بار.
س.سەيفۋللين اتىنداعى قازاتۋ جەر رەسۋرستارىن باسقارۋ, ساۋلەت جانە ديزاين فاكۋلتەتىنىڭ دەكانى فارابي ەرمەكوۆتىڭ ايتۋىنشا, اۋەگە كوتەرىلگەن درون-ءدال ەگىنشىلىكتىڭ بىردەن-ءبىر تاپتىرماس قۇرالى. ول ارقىلى جەردىڭ ناقتى كارتاسى جاسالىپ, نەندەي داقىل ەگىلەتىنى, قاي ۋچاسكەدە ءارامشوپ شىققانى, بىلايشا ايتقاندا, مول ءارى ساپالى ءونىم الۋدىڭ بارلىق اقپاراتتارى دالمە-ءدال جيناقتالادى. دروندار مەن الىستان باسقارىلاتىن ۇشاقتاردا قاراپايىم وپتيكالىق كامەرا, مۋلتيسپەكترالدىق كامەرا, تەپلوۆيزور مەن لازەرلىك سكانەر ورناتىلعان. وسىنىڭ ارقاسىندا جەردىڭ 3د مودەلىن جاساۋعا بولادى.تاعى ءبىر كومەكشى – مەتەوستانتسيالار. ولار توپىراقتاعى ىلعال مولشەرى مەن تەمپەراتۋرانى انىقتايدى. جاۋىن-شاشىن, اۋا رايى وزگەرىستەرىن بولجايدى.
«بۇرىن اگرونومدار ەگىستىك ناۋقانىن باستاۋ ۋاقىتىن جەردى قولمەن ۇستاپ بىلەتىن. بىراق, بۇل – كەڭەستىك كەزەڭنەن قالعان ەسكى ءادىس. قازىر–اۆتوماتيكا عاسىرى. ديقاندار وسىنداي وزىق قوندىرعىلاردى ءتيىمدى پايدالانا بىلسە, جاڭاشا ەڭبەك ەتە الادى», دەدى جيىندا قۇمار ىرگەباي ۇلى.
جيىندا ءارامشوپتى قۇرتاتىن گەربيتسيدتى شامادان تىس قولدانۋ داقىل ءۇشىن دە, ادام اعزاسى ءۇشىن دە وتە قاۋىپتى ەكەنى ايتىلدى. وكىنىشكە وراي, ونى شارۋالاردىڭ دەنى ەسكەرە بەرمەيدى. ۋلى تىڭايتقىشتى بارلىق القاپقا توگە سالاتىن جايتتار كەزدەسەدى. تەرىسكەيدىڭ توپىراعى وتە قۇنارلى ەكەنىنە قاراماستان كەي شارۋاشىلىقتار ونىڭ الەۋەتىن ءتيىمدى پايدالانىپ جۇرگەن جوق. ورتاشا ونىمدىلىكتى 15-16 تسەنتنەردەن اسىرا الماي ء جۇر. سۇرىپ قانشا ساپالى بولسا دا قۇنارسىز جەرگە ەگىلسە, ەشقاشان مول ءونىم بەرمەيدى. وسى سەبەپتى جەردى تىڭايتا, قۇنارلاندىرا ءبىلۋدىڭ ماڭىزى زور.
بۇگىندە 120 جەرگىلىكتى اگروقۇرىلىم تسيفرلىق تەحنولوگيا بويىنشا جۇمىس ىستەيدى. كەلەسى جىلدان باستاپ بىرنەشە اۋدانداردا تسيفرلاندىرۋ ەلەمەنتتەرى ەنگىزىلەدى.
سولتۇستىك قازاقستان وبلىسى
