كەشەن 454 ملن. تەڭگەگە مەملەكەتتىك - جەكەمەنشىك ارىپتەستىك شەڭبەرىندە اۋدان اكىمدىگى, وبلىستىق دەنەشىنىقتىرۋ جانە سپورت باسقارماسى مەن «تۇرانسپورتگرۋپ» جشس-ءنىڭ ءۇش جاقتى كەلىسىمى اياسىندا سالىنعان. سپورت كەشەنىندە بوكس, دزيۋدو, ۇستەل تەننيسى, باسكەتبول, ەركىن كۇرەس جانە باسقا دا سپورت تۇرلەرىمەن اينالىسۋعا مۇمكىندىك جاسالعان. سونداي-اق, كيىم اۋىستىراتىن, دۋش قابىلدايتىن جانە باپكەرلەر مەن مەدبيكەلەرگە ارنالعان بولمەلەرمەن جابدىقتالعان. ايتا كەتەلىك, بۇگىنگى تاڭدا تۇلكىباس اۋدانىندا 4 مەملەكەتتىك سپورت مەكتەبى جانە ءبىر سپورت كلۋبى حالىققا قىزمەت كورسەتەدى. مۇندا سپورتتىڭ 16 تۇرىنەن ءۇش مىڭعا جۋىق جاس سپورتپەن شۇعىلدانۋدا.
كەشەننىڭ اشىلۋ سالتاناتىندا ءسوز العان اۋدان اكىمى ن.تۇراشبەكوۆ جينالعان قاۋىمدى سپورت كۇنى مەرەكەسىمەن جانە كەنت تۇرعىندارىن جاڭا عيماراتتارىمەن قۇتتىقتاپ, سپورت سالاسىن دامىتۋ ماقساتىندا اتقارىلىپ جاتقان جۇمىستارعا توقتالىپ ءوتتى. سالتاناتتى جيىنعا ارنايى كەلگەن دۇنيەجۇزى قازاقتارى قاۋىمداستىعى توراعاسىنىڭ ءبىرىنشى ورىنباسارى زاۋىتبەك تۇرىسبەكوۆ, تۇركىستان وبلىسى دەنەشىنىقتىرۋ جانە سپورت باسقارماسىنىڭ باسشىسى پولات قىرىقباەۆ, قر ەڭبەك سىڭىرگەن جاتتىقتىرۋشى ماحامبەت ساپارباەۆ قۇتتىقتاۋ ءسوز سويلەپ, ىستىق لەبىزدەرىن ءبىلدىردى. سونداي-اق سپورت كەشەنىنىڭ اشىلۋ سالتاناتىنا وراي بوكستان وبلىس بىرىنشىلىگى ءوتىپ, جەڭىمپازدار ماراپاتتالدى.
تۇركىستان وبلىسى
