«بۇگىنگى كۇنى وكىنىشكە وراي, ەلىمىزدە 128 ءۇش اۋىسىمدى جانە 31 اپاتتى جاعدايداعى مەكتەپ بار. ولار بويىنشا جۇمىستار جاسالىپ جاتىر», دەدى مينيستر.
ايتۋىنشا, ءۇش اۋىسىمدى مەكتەپتەردىڭ كوبەيۋىنە تۋ كورسەتكىشىنىڭ جوعارىلاۋى مەن اۋىلداردان قالاعا كوشىپ كەلۋشىلەر سانىنىڭ ارتۋى اسەر ەتۋدە.
ءوز سوزىندە بۇل ماسەلەنى شەشۋ جولدارىنا دا توقتالىپ ءوتتى.
«بىرىنشىدەن, بيۋدجەت تاراپىنان ارى قاراي مەكتەپتەردى سالۋ كەرەك. ول بويىنشا بۇگىن مەملەكەت باسشىسى تاپسىرما بەردى. ەكىنشىدەن, جەكەمەنشىك مەكتەپتەر سالۋ ماسەلەسى ماڭىزدى بولىپ تۇر. بالاباقشا سالۋ ماسەلەسىندە دە جەكەمەنشىك سەكتوردى تارتقان بولاتىنبىز. سوندىقتان جەكەمەنشىك ارىپتەستىكتىڭ ارقاسىندا وتە قىسقا ۋاقىتتىڭ ىشىندە ۇلكەن قامتۋ جۇمىسىن بىتىردىك», دەدى ا. ايماعامبەتوۆ.
سونىمەن قاتار قازىردىڭ وزىندە جان باسىنا قارجىلاندىرۋ مەتوديكاسىن ەنگىزۋدىڭ ارقاسىندا 1 جىل ىشىندە 50 شاقتى مەكتەپ ىسكە قوسىلادى دەپ كۇتىلۋدە.
ء«ۇشىنشى ماسەلە - مەكتەپتەردىڭ اپاتتىلىعىن بولدىرماۋ ءۇشىن جوندەۋ جۇمىستارىن جۇرگىزۋ. كۇردەلى جوندەۋ جۇمىستارىن ۋاقىتىندا جۇرگىزەتىن بولساق, اپاتتىق جاعدايعا جەتكىزبەيمىز», دەدى ول.
