ايماقتار • 16 تامىز، 2019

ەلوردا اكىمى ءبىر جارىم اي ىشىندە 51 پروبلەمالىق نىساندى ارالادى

25 رەتكورسەتىلدى

قالا اكىمى التاي كولگىنوۆ پروبلەمالىق نىسانداردىڭ تۇرعىندارىمەن كەزدەستى. 170 ۇلەسكەرى بار «كوكتال-2»تۇرعىن ءۇي كەشەنى ورتالىق جىلۋعا قوسىلماعان. ءۇي پايدالانۋعا بەرىلمەگەن، تۇرعىندار بىلتىردان بەرى تۇرىپ كەلەدى. بۇل تۋرالى قالا اكىمدىگىنىڭ رەسمي سايتى حابارلادى.

ء«ۇيدىڭ جوباسى بار، مەملەكەتتىك ساراپتاۋداندا وتتىك. تەك پاتەر قۇجاتتارىن الا الماي وتىرمىز. قۇرىلىس سالۋشى ءبىزدىڭ ءۇيدىڭ تومەنگى تەحنيكالىق ەتاجدارىە پاتەر رەتىندە ساتىپ جىبەرگەن بولاتىن. جاڭبىر جاۋعان كەزدە شاتىردان سۋ كەتەدى. وسى ماسەلەنى قاراستىرىپ، جوندەۋ جۇمىستارىن جۇرگىزۋ كەرەك. ورتالىق جىلۋعا قوسىلماعانبىز. ەگەر جوعارعى قاباتتار سالىستىرمالى تۇردە جىلى بولسا، 1 جانە 2 قاباتتار سۋىق. كەي كەزدەرى تەك 15 گرادۋس جىلى بولادى»، - دەدى "كوكتال-2" تۇرعىندارى. بۇدان باسقا، تۇرعىندار پاركينگتەگى ورىنداردى ساتىپ العان، بىراق پاركينگ جوبادا قاراستىرىلماعان.

سونداي-اق، قالا اكىمى «جاڭا وتان» پروبلەمالىق وبەكتىسىندە بولدى. مۇنداعى ۇلەسكەرلەردىڭ سانى 35 ادامدى قۇرايدى. نىسان 2015 جىلى پروبلەمالىق دەپ تانىلدى. قازىر ينۆەستور قۇرىلىس-مونتاج جۇمىستارىن باستاۋ ءۇشىن دايىندىق جۇمىستارىن جۇرگىزۋدە. اكىمدىك ءتيىستى قۇجاتتاردى الۋعا كومەك كورسەتتى.

قالا اكىمى التاي كولگىنوۆ «وبەرەگ» جانە «بەرەكەت» تۇرعىن ءۇي كەشەندەرىنىڭ تۇرعىندارىمەن كەزدەستى. سىرتقى ينجەنەرلىك جەلىلەرگە ساراپتاما جۇرگىزىلمەگەن، قۇجاتتاردى جيناۋ بويىنشا جۇمىستار جۇرگىزىلۋدە. "بەرەكەت" تۇرعىندارى ءۇي قولدانۋعا بەرىلمەگەنىنە قاراماستان، ۇيدە تۇرىپ جاتىر.

«بىزدە 68 پاتەر، 45 ۇلەسكەر بار. ءۇي 90% - عا دەرلىك اياقتالدى، تەك ورتالىق جىلۋ جۇيەسىنە تۇرعىن ءۇي كەشەنىن قوسۋ قاجەت. شاتىر قازىردىڭ وزىندە اعىپ جاتىر. قۇجاتتار جوق. اۋلالار اباتتاندىرىلماعان، كوشە جارىعى دا جوق، - دەدى "بەرەكەت" تك تۇرعىندارى.

اكىمدىك پروبلەمالىق دەپ تانىلعان ءار قۇرىلىس وبەكتىسى بويىنشا جۇمىستار جۇرگىزۋدە. ءبىر جارىم اي ىشىندە قالا اكىمى التاي كولگىنوۆ ەلوردانىڭ 51 پروبلەمالىق نىسانىن (76 ءۇي) ارالادى. ۇلەسكەرلەردىڭ سانى 14 مىڭنان استام ادام. قالا اكىمدىگى تۇراقتى نەگىزدە تۇرعىن ءۇي كەشەندەرىنىڭ قۇرىلىسى بارىسىن قاداعالايتىن بولادى.

سوڭعى جاڭالىقتار

ۇقساس جاڭالىقتار