كوميتەت توراعاسى بىلتىرعى جىلمەن سالىستىرعاندا كىرىس كولەمى 556 ملرد تەڭگەگە نەمەسە 115%-عا ارتىق تۇسكەنىن ايتادى. رەسپۋبليكالىق بيۋدجەتتىڭ كولەمى 101%-عا جانە جەرگىلىكتى بيۋدجەت 108%-عا وسكەن. شاعىن جانە ورتا بيزنەستەن ەل قازىناسى 1, 9 ملرد تەڭگەگە نەمەسە 16,6%-عا تولدى. بۇعان قوسا ۆەدومستۆو باسشىسى العاشقى جارتىجىلدىقتا قارجى مونيتورينگى كوميتەتىنە قاراستى ەكونوميكالىق تەرگەۋ قىزمەتىن قايتا قۇرۋ جانە كادرلىق اۋىس-تۇيىسكە بايلانىستى جۇمىستار اياقتالعانىن ساباقتادى.
سونىمەن قاتار مەملەكەتتىك كىرىستەر كوميتەتى ۇلكەن دەرەكتەر تەحنولوگياسىن مەڭگەرۋدى باستاپتى. بۇل اسىرەسە تاۋەكەل مودەلىن بولجاۋدا تاپتىرماس قۇرال دەدى سپيكەر.
– ەكسپورتتى باقىلاۋ بولىمشەسى قۇرىلدى. ونىڭ تيىمدىلىگى كورىنە باستادى. بۇگىندە كوميتەت ۇجىمى جاساقتالعان جانە تاپسىرمالاردى ورىنداۋعا دايىن. ۇلكەن دەرەكتەردى ساراپتاپ, مالىمەتتەرگە ينتەللەكتۋالدى تالداۋ جاسايتىن تىڭ جۇيەنى قولدانۋدى باستادىق. سونىڭ نەگىزىندە تاۋەكەل مودەلدەرى ازىرلەنىپ جاتىر. 14 جاڭا مودەل جۇزەگە اسىرىلدى. ونىڭ 11-ءى سالىق ىسىنە جانە 3-ەۋى كەدەن باعىتىنا قاتىستى, – دەدى م. سۇلتانعازيەۆ.
بۇدان بولەك سپيكەر جىل باسىنان باستاپ ەلەكتروندى شوتفاكتۋرانى مىندەتتى تۇردە پايدالانۋ ەنگىزىلگەنىن ايتتى. سول سەكىلدى قازىر شەكارادان وتۋگە قاتىستى ماسەلە كوپ ەكەنىن جاسىرمادى. ول كەدەندىك دەكلاراتسيا بويىنشا تاۋار اينالىمى 100%-عا كوبەيگەندىكتەن ەلەكتروندى تۇردە راسىمدەلەتىنىن, بiراق شەكارانى ءوتۋ ءتارتىبى قاز-قالپىندا قالعانىن جەتكىزدى.
