«اتالعان شارانى «حالىقارالىق باعدارلامالار ورتالىعى» اق بيىل جەتىنشى جىل قاتارىنان وتكىزىپ وتىر, ياعني 2012 جىلدان بەرى ۇيىمداستىرىلىپ كەلەدى. جۇمىس بەرۋشىلەر تۇلەكتەردى قابىلداۋ بارىسىندا ءتۇرلى ساتىدان وتكىزەدى. ءبىرىنشى, ۇمىتكەرمەن سۇحباتتاسۋ, قۇجاتتارىمەن تانىسۋ. ودان كەيىن جۇمىس ۇسىنۋشى وزىنە ۇناعان تالاپكەردىڭ بىلىكتىلىگىن تەكسەرۋ ءۇشىن تەست تاپسىرمالارى ارقىلى سىناقتان وتكىزەدى. ايتا كەتەتىن تاعى ءبىر جايت, ءبىز وسى جارمەڭكە بىتكەننەن سوڭ ءاربىر جۇمىس بەرۋشى كومپانيالارمەن حابارلاسىپ, قانشا بالا قابىلداعانى جونىندە ەسەپ الاتىن بولامىز», دەدى «حالىقارالىق باعدارلامالار ورتالىعى» اق پرەزيدەنتىنىڭ مىندەتىن اتقارۋشى عاليا بايجانقىزى.
بۇل شاراعا 80-نەن استام جۇمىس بەرۋشى قاتىسىپ, تانىستىرىلىمدار مەن ۆوركشوپتار جانە دە شەبەرلىك ساعاتتارىن وتكىزدى. ولارعا ىرىكتەۋ تۋرلارىن (سۇحباتتاسۋ, اڭگىمەلەسۋ) جۇرگىزۋگە مۇمكىندىك بەرىلدى. جارمەڭكەگە حالىقارالىق ۋنيۆەرسيتەتتەردى تامامداعان 500-گە جۋىق تۇلەك قاتىستى.
