قر قارجى مينيسترلىگى ادال باسەكەلەستىكتى ىنتالاندىرۋ, سىبايلاس جەمقورلىق تاۋەكەلدەرىن تومەندەتۋ جانە مەملەكەتتىك ساتىپ الۋلاردىڭ اشىقتىعىن ارتتىرۋ, سونداي-اق ساتىپ الىناتىن تاۋارلاردىڭ, جۇمىستار مەن قىزمەتتەردىڭ جانە الەۋەتتى ءونىم بەرۋشىلەردىڭ بىلىكتىلىگى ساپاسىن ارتتىرۋ بويىنشا جۇمىستار جۇرگىزۋدە.
«ادال باسەكەلەستىكتى ىنتالاندىرۋ شەڭبەرىندە ءبىزدىڭ مىندەتىمىز - ءبىر كوزدەن ساتىپ الۋ ۇلەسىن ازايتۋ. بۇل ماسەلەنى شەشۋ ءۇشىن 2019 جىلدىڭ 1 قاڭتارىنان باستاپ وتكىزىلمەدى دەپ تانىلعان ساتىپ الۋلار بويىنشا ءبىر كوزدەن ساتىپ الۋ شارتىن جاساسۋ مۇمكىندىگى جويىلدى. ناتيجەسىندە وتكىزىلمەدى دەپ تانىلعان ساتىپ الۋلار بويىنشا ءبىر كوزدەن مەملەكەتتىك ساتىپ الۋ ۇلەسىنىڭ 2018 جىلعى 51,3% - دان 2019 جىلدىڭ 7 ايىندا 7% - عا دەيىن ازايۋى بايقالادى, بۇل 283 ملرد تەڭگە سوماسىندا مەملەكەتتىك ساتىپ الۋلار قورىتىندىلارى بويىنشا ۇنەمدەۋگە اكەلدى», دەدى رۋسلان بەكەتاەۆ.
مەملەكەتتىك ساتىپ الۋلاردىڭ سىبايلاس جەمقورلىق تاۋەكەلدەرىن تومەندەتۋ جانە ايقىندىعىن ارتتىرۋ شەڭبەرىندە مەملەكەتتىك ساتىپ الۋلار جۇيەسىن تولىق ەلەكتروندى فورماتقا كوشىرىلۋى اياقتالدى.
«مەملەكەتتىك ساتىپ الۋلار تۋرالى زاڭعا جاڭا تۇزەتۋلەردە ەلەكتروندىق دۇكەن ارقىلى ساتىپ الۋدىڭ جاڭا باسەكەلەستىك ءتاسىلىن ەنگىزۋ ۇسىنىلادى, ول ارقىلى ۇساق تاۋارلاردى ساتىپ الۋعا تەز جانە ىڭعايلى بولادى. سونداي-اق, ساتىپ الۋلار پروتسەسسىن جەدەلدەتۋ ماقساتتا نەگىزدەمەلىك كەلىسىمدەردى پايدالانا وتىرىپ ساتىپ الۋدىڭ جاڭا ءتاسىلىن - كونكۋرس ەنگىزۋ جوسپارلانۋدا, ول ساتىپ الۋدى ورتا ەسەپپەن العاندا 3-5 كۇنگە دەيىن, 45 كۇننىڭ ورنىنا جۇزەگە اسىرۋعا مۇمكىندىك بەرەدى», دەدى ۆيتسە-مينيستر.
نەگىزدەمەلىك كەلىسىمدەردىڭ ارتىقشىلىقتارى ساتىپ الۋدى ۇيىمداستىرۋعا ارنالعان اكىمشىلىك شىعىستاردى جانە ساتىپ الۋ پروتسەسىنە جۇمسالاتىن ۋاقىتتى ۇنەمدەۋ بولىپ تابىلادى.
تەرىس پايدالانۋشىلىقتى تومەندەتۋ ماقساتىندا اعىمداعى جىلدىڭ سوڭىنا دەيىن مەملەكەتتىك ساتىپ الۋ پورتالىندا جۇمىس تاجىريبەسىنىڭ «ەلەكتروندىق دەپوزيتاري» جاڭا فۋنكتسيونالى ىسكە قوسىلاتىن بولادى, ويتكەنى مەملەكەتتىك ساتىپ الۋدىڭ 80%-ىن قۇرىلىس جانە قىزمەت كورسەتۋ قۇرايدى, وندا جەڭىمپازدى انىقتاۋدىڭ نەگىزگى ولشەمى جۇمىس تاجىريبەسى بولىپ تابىلادى. بۇل فۋنكتسيونال جۇمىس تاجىريبەسىن اۆتوماتتى تۇردە ەسەپتەۋگە مۇمكىندىك بەرەدى. «ەلەكتروندىق دەپوزيتاريدى» ەنگىزۋ شارتتى جەڭىلدىكتەردى ايقىن ەسەپتەۋدى جاسايدى جانە دۇرىس ەمەس مالىمەتتەردى بەرۋ پروبلەماسىن شەشۋگە كومەكتەسەدى.
ر. بەكەتاەۆتىڭ ايتۋىنشا, ساتىپ الۋ راسىمدەرىن اۆتوماتتاندىرۋ بيزنەستىڭ ءىسساپار, پوشتا, كەڭسە جانە وزگە دە ۇستەمە شىعىندارعا ارنالعان شىعىندارىن مەملەكەتتىك ساتىپ الۋ بويىنشا كەلىسىمشارتتاردى جاساۋعا جانە كەلىسۋگە بايلانىستى ايتارلىقتاي قىسقارتۋعا مۇمكىندىك بەردى. جىل سايىن 1 ملن-نان استام كەلىسىمشارت جاسالاتىنىن ەسكەرە وتىرىپ, ەڭ ورەسكەل ەسەپتەۋلەر بويىنشا بيزنەستى ۇنەمدەۋدىڭ جالپى سوماسى شامامەن 10 ملرد تەڭگەنى قۇراۋى مۇمكىن.
سونىمەن قاتار, 100% اۆتوماتتاندىرۋدى بانكتىك كەپىلدىكتەر بەرۋدى 2019 جىلدىڭ 7 ايىندا 70 مىڭ ەلەكتروندىق بانك كەپىلدىگى بەرىلدى. بۇل تاپسىرىس بەرۋشىلەرگە بانكتىك كەپىلدىكتەردىڭ شىنايىلىعىنا الاڭداماۋعا, ال الەۋەتتى ءونىم بەرۋشىلەرگە ءوتىنىم بەرۋدى ايتارلىقتاي تەزدەتۋگە جانە جەڭىلدەتۋگە مۇمكىندىك بەردى.
تسيفرلاندىرۋ سونداي-اق شامامەن 1,7 ملن ساتىپ الۋ راسىمدەرىن مونيتورينگىلەۋگە مۇمكىندىك بەرەتىن ونلاين باقىلاۋدى ەنگىزۋگە كومەكتەستى, ال 2015 جىلى ونى ەنگىزگەنگە دەيىن باقىلاۋمەن تەك 109 مىڭ ءراسىم قامتىلدى.
بۇل بۇزۋشىلىقتاردىڭ ايتارلىقتاي تومەندەۋىنە الىپ كەلدى, بۇگىنگى كۇنى مەملەكەتتىك ساتىپ الۋدىڭ 2%-ىندا عانا بۇزۋشىلىقتار انىقتالۋدا, بۇعان دەيىن ءاربىر ءۇشىنشى مەملەكەتتىك ساتىپ الۋ بۇزۋشىلىقتار بولعان. سونىمەن قاتار, ۆەب-پورتالدا مەملەكەتتىك ساتىپ الۋ ناتيجەلەرىنە ەلەكتروندىق شاعىمدانۋ مۇمكىندىگى ەنگىزىلگەن. ەندى, مەملەكەتتىك ساتىپ الۋعا شاعىم بەرۋ, ونىڭ مارتەبەسى مەن ناتيجەسىن ۇيدەن شىقپاي, ۆەب-پورتال ارقىلى كورۋگە بولادى. 2019 جىلدىڭ 7 ايىندا 17 مىڭ شاعىم كەلىپ ءتۇستى, بۇل 2014 جىلى 2 مىڭعا جۋىق.
بۇل ءوسىم, سونىڭ ىشىندە مەملەكەتتىك ساتىپ الۋدى بۇزۋدان زاڭسىز پايدا كورەتىن كاسىبي شاعىمشىلاردىڭ پايدا بولۋىمەن بايلانىستى.
مەملەكەت باسشىسىنىڭ تاپسىرماسىن ورىنداۋ اياسىندا قارجى مينيسترلىگى مەملەكەتتىك ساتىپ الۋلاردى ورتالىقتاندىرۋدىڭ جاڭا مودەلىن پىسىقتاۋدا. بۇگىنگى تاڭدا رەسپۋبليكادا مەملەكەتتىك ساتىپ الۋدىڭ جىل سايىنعى ورتاشا كولەمى 3,2-3,5 ترلن تەڭگەنى قۇرايدى.
