ايماقتار • 14 تامىز، 2019

الماتى قالالىق تجد قارعالى وزەنىنىڭ قازىرگى احۋالى تۋرالى مالىمەت بەردى

90 رەت كورسەتىلدى

الماتى قالاسىنداعى سەل قاۋپىنە بايلانىستى توتەنشە جاعدايلار دەپارتامەنتى قارعالى وزەنىنىڭ قازىرگى جاعدايى تۋرالى اقپارات بەردى.

«اۋا تەمپەراتۋراسىنىڭ سوڭعى ەكى ايدا تومەندەمەۋىنە بايلانىستى تاڭعى ساعات 6:20-لار شاماسىندا قارعالى وزەنى باسسەينىندەگى №1 كولدىڭ سۋى بوساتىلدى. سەكۋندىنا 5 مىڭ تەكشە مەتر جىلدامدىقپەن شىعارىلعاندا كولدەگى سۋ دەڭگەيى 5 مەترگە تومەندەدى. الدىن الا ەسەپتەر بويىنشا 20 مىڭ تەكشە مەتر سۋ اعىزىلعان»، دەدى تجد.

«وسىعان بايلانىستى ناۋرىزباي اۋدانى قارعالى شاتقالىندا تۇراتىن حالىق شۇعىل قۇلاقتاندىرىلدى. سونىمەن قاتار، ءورت ءسوندىرۋ بولىمشەلەرى، جول پاترۋلدىك قىزمەتكەرلەرى داۋىس زورايتقىشپەن حالىقتى حابارلاندىردى»، دەدى الماتى قالالىق تجد.

الماتىنىڭ ناۋرىزباي اۋدانىنا قارعالى وزەنىندە سەل ءجۇرۋ قاۋپى ءتونىپ تۇرعاندىقتان دابىل جاريالانعان ەدى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ۇقساس جاڭالىقتار