سوڭعى ءۇش جىلدان بەرى Tour of Almaty حالىقارالىق كاسىپقوي ۆەلوجارىسى ەكى كۇندىك بولىپ وتكىزىلىپ جاتىر. سونىڭ ارقاسىندا جارىسقا قاتىسقىسى كەلەتىن سپورتشىلاردىڭ سانى دا ارتۋدا. ەندى الماتىعا سپرينتەرلەر دە, تاۋعا ورمەلەگىش ۆەلوشاباندوزدار دا كەلە باستادى.
30 تامىز كۇنى باستالاتىن جارىستىڭ ءبىرىنشى كەزەڭى سپرينتەرلەرگە ارنالعان. العاشقى كەزەڭ 118 شاقىرىمعا سوزىلادى. ال 31 تامىز كۇنى «Road to Medeu», ياعني تاۋلى كەزەڭ. بۇل كەزەڭدە ۆەلوشاباندوزدار 160 شاقىرىمدىق تاسجولدى باسىپ وتەدى.
بيىلعى جارىسقا قازاقستاننان ءۇش, پولشا مەن مالايزيادان ەكى, فرانتسيا, رەسەي, يتاليا, لاتۆيا, شۆەيتساريا, جاپونيا, شۆەتسيا, اۋستريا, ازەربايجان جانە تۇركيادان ءبىر-ءبىر كوماندا قاتىسۋعا نيەت ءبىلدىرىپ وتىر.
