ەكونوميكا • 13 تامىز، 2019

«7-20-25» تۇرعىن ءۇي باعدارلاماسى اياسىندا بانكتەر 9 مىڭنان استام ءوتىنىمدى ماقۇلدادى — ۇلتتىق بانك

52 رەتكورسەتىلدى

بۇل تۋرالى ۇكىمەتتىڭ ءباسپاسوز قىزمەتى حابارلادى.

 

قر پرەمەر-ءمينيسترى اسقار ءماميننىڭ توراعالىعىمەن وتكەن ۇكىمەت وتىرىسىندا قر ۇلتتىق بانكىنىڭ توراعاسى ەربولات دوساەۆ بيىلعى شىلدە ايىندا ايلىق ينفلياتسيا 0،2% قۇراعانىن ايتتى. جىلدىق ينفلياتسيا 5،4% دەڭگەيىندە ساقتالدى. بازالىق مولشەرلەمەنىڭ قازىرگى دەڭگەيى (+/-1ت.پ. دالىزىندە 9،00% دەڭگەيىندە) مەن اقشا-كرەديتتىك شارتتار بيىل ينفلياتسيانىڭ نىسانالى ءدالىز ىشىندە 4-6% ساقتالۋىن قامتاماسىز ەتەدى. 

«جەمىس-كوكونىس ونىمدەرىنە باعانىڭ ماۋسىمدىق تومەندەۋىنە قاراماستان، جازعى كەزەڭگە ءتان دەفلياتسيا پروتسەستەرى بايقالىپ وتىرعان جوق»، — دەدى ە. دوساەۆ.

بانكتەر كرەديتتىك بەلسەندىلىگىن ۇلعايتۋدا. بيىلعى ءساۋىر-ماۋسىمدا ءى توقساندا جۇرگىزىلگەن بانكتەردى قالىپقا كەلتىرۋدەن كەيىن كرەديتتىك پورتفەل 3،5%-عا نەمەسە 433،6 ملرد تەڭگەگە 12،9 ترلن تەڭگەگە دەيىن ۇلعايدى. ۇزاق مەرزىمدى كرەديتتەر – 11 ترلن تەڭگە، قىسقا مەرزىمدى كرەديتتەر – 1،9 ترلن تەڭگە بولدى.

ۇلتتىق ۆاليۋتاداعى سالىمدار جىل باسىنان بەرى 5،5%-عا ءوستى. شەتەل ۆاليۋتاسىنداعى دەپوزيتتەر 19،8%-عا قىسقاردى، دەپوزيتتەردى دوللارلاندىرۋ ماۋسىمنىڭ سوڭىندا 41،6%-عا دەيىن تومەندەدى.

7-20-25 باعدارلاماسىن ىسكە اسىرۋ اياسىندا، 8 تامىزداعى جاعداي بويىنشا 188،3 ملرد تەڭگە سوماعا 16 677 ءوتىنىش بەرىلدى، ونىڭ ىشىندە بانكتەر 112،7 ملرد تەڭگە سوماعا 9 813 ءوتىنىمدى ماقۇلدادى.

«قازاقستان رەسپۋبليكاسى ازاماتتارىنىڭ بورىش جۇكتەمەسىن ازايتۋ شارالارى تۋرالى» پرەزيدەنت جارلىعىن ىسكە اسىرۋ اياسىندا ۇكىمەت پەن ۇلتتىق بانك بانكتەرمەن جانە ميكروقارجى ۇيىمدارىمەن بىرلەسىپ ەكى باعىت بويىنشا جۇمىس جۇرگىزۋدە.

ءبىرىنشىسى — حالىقتىڭ الەۋمەتتىك وسال توپتارى ءۇشىن كەپىلسىز تۇتىنۋشىلىق قارىزدار بويىنشا 300 مىڭ تەڭگەگە دەيىن مولشەردە بەرەشەكتى وتەۋ.

ازاماتتاردىڭ تىزىمدەرى بويىنشا بەرەشەك تۋرالى اقپاراتتى جيناۋ جۇمىسى جۇرگىزىلدى. اقى تولەۋگە ءتىزىم جاسالدى. بەرەشەكتى وتەۋ تامىزدىڭ سوڭىنا دەيىن اياقتالادى. بۇل الدىن الا دەرەكتەر بويىنشا ەلىمىزدىڭ 508 مىڭ ازاماتىنا 105،5 ملرد تەڭگە سوماعا مەملەكەتتىك قولداۋ الۋعا مۇمكىندىك بەرەدى. ازاماتتار بانكتەر مەن ميكروقارجى ۇيىمدارىنا ءوتىنىش جاسامايدى، بەرەشەكتى وتەۋ جۇمىسىن كرەديتورلار دەربەس جۇرگىزەدى، سودان كەيىن كرەديتورلار ءاربىر قارىز الۋشىعا ءتيىستى حابارلاما جىبەرەدى.

ەكىنشى – 2019 جىلعى 1 شىلدەگە بارلىق قازاقستاندىقتاردىڭ كەپىلسىز تۇتىنۋشىلىق نەسيەلەرى ءۇشىن ايىپپۇلدارى مەن ءوسىمپۇلدارىن ەسەپتەن شىعارۋ. ا.ج. 30 شىلدەدە بانكتەر مەن شاعىن قارجى ۇيىمدارى جالپى سوماسى 33،6 ملرد تەڭگەگە 1،2 ملن ازاماتتىڭ كەپىلسىز تۇتىنۋشىلىق نەسيەلەرى ءۇشىن ايىپپۇلدارى مەن ءوسىمپۇلدارىن ەسەپتەن شىعاردى. 20 تامىزدا ۇلتتىق بانك اتالعان ۇيىمداردىڭ شىعىندارى سوماسىنىڭ 30%-ىنا دەيىن وتەيتىن بولادى.  

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار