كولونياعا ىشكى ىستەر مينيسترىمەن بىرگە «ادام قۇقىعىن قورعاۋ حارتياسى» قوعامدىق قورىنىڭ اتقارۋشى ديرەكتورى جەمىس تۇرماعامبەتوۆا, حالىقارالىق تۇرمە رەفورماسى ورتالىق ازياداعى وكىلدىگى ديرەكتورىنىڭ ورىنباسارى جاننا نازاروۆا, ۇلتتىق پرەۆەنتيۆتىك مەحانيزمنىڭ مۇشەسى يگور ميروشنيچەنكو جانە جۋرناليست توحنياز كۋچۋكوۆ, زاڭ عىلىمدارىنىڭ دوكتورى, پەنيتەنتسياريست ايدارحان سقاقوۆ, ءىىم قوعامدىق كەڭەسىنىڭ مۇشەسى رۇستەم حايداروۆتار باردى. ولار سوتتالعاندار ۇستالاتىن وتريادتار مەن كامەرالاردى ارالاپ, جازاسىن وتەۋشىلەردىڭ تۇرمىستىق جاعدايلارىمەن تانىستى. سونداي-اق مەديتسينالىق-سانيتارلىق كومەك كورسەتۋ, تاماقتاندىرۋدى ۇيىمداستىرۋ جانە ەڭبەكپەن قامتۋ ماسەلەلەرىن قاداعالادى.
بۇگىندە اتالعان كولونيادا 737 سوتتالعان بار. ونىڭ ىشىندە ەڭبەككە جارامدى 426 ادامنىڭ 243-ءى جۇمىسقا ورنالاستىرىلعان.
كولونيا اۋماعىندا شاعىن جانە ورتا بيزنەستىڭ 7 نىسانى جۇمىس ىستەيدى, وندا 119 جازاسىن وتەۋشى مەتالل قۇرىلىمدارىن, شلاكتى بلوكتار دايىنداۋمەن جانە تىگىن تىگۋمەن اينالىسادى.
مينيستر مەكەمە اۋماعىنداعى جالپى ءبىلىم بەرەتىن مەكتەپتى جانە كاسىپتىك-تەحنيكالىق كوللەدجدى ارالاپ كورىپ, ءبىلىم بەرۋ ۇدەرىسىن ۇيىمداستىرۋ ساپاسىنا كوڭىل اۋداردى. رەسمي دەلەگاتسيا وكىلدەرىنە وقىتىلاتىن ماماندىقتار ءتىزىمى كورسەتىلىپ, وقۋ ورنىنىڭ ماتەريالدىق-تەحنيكالىق جابدىقتالۋ جاعدايى تانىستىرىلدى.
وسى جاعدايلاردى كوزىمەن كورگەن الماتى وبلىسىنىڭ قوعامدىق باقىلاۋ كوميسسياسىنىڭ وكىلى يگور ميروشنيچەنكو مينيسترلىك تاراپىنان باس بوستاندىعىنان ايىرۋ ورىندارىنداعى جۇمىسپەن قامتۋ ۇيىمدارى جانە ازاماتتىق قوعاممەن ءوزارا ديالوگتى نىعايتۋداعى وڭ ۇردىستەردى اتاپ ءوتتى.
– ءىىم وڭ ۇردىسكە بەت بۇردى. جۇمىس ناتيجەلەرى بايقالادى, بارلىق توتەنشە جاعداي فاكتىلەرى بويىنشا دەرەۋ شارالار قابىلدانادى. ازاماتتىق قوعامنىڭ جۇمىسى ءۇشىن ەشقانداي كەدەرگى جوق, – دەدى ي.ميروشنيچەنكو. سونداي-اق ازاماتتىق قوعامداستىقتىڭ وكىلى تۇزەۋ مەكەمەلەرىن جاڭعىرتۋ بويىنشا بىرقاتار ۇسىنىستارىن جەتكىزدى.
ە.تۇرعىمباەۆ ازاماتتىق قوعام وكىلدەرىمەن بىرگە سوتتالعانداردىڭ جەكە ماسەلەلەرى بويىنشا قابىلداۋ وتكىزدى. قابىلداۋ بارىسىندا نەگىزىنەن ۇستاۋ رەجىمى, قىلمىستىق ىستەر, تۇرعىلىقتى جەرى بويىنشا اۋىستىرۋ جانە قۇجاتتاندىرۋ ماسەلەلەرى بويىنشا 37 ادام جۇگىندى.
سوتتالعانداردى قابىلداعاننان كەيىن ىشكى ىستەر ءمينيسترى ازاماتتىق قوعام وكىلدەرىمەن بىرگە كەلىپ تۇسكەن ۇسىنىس-تىلەكتەردىڭ بارلىعىن تالقىلاپ, باس بوستاندىعىنان ايىرۋ ورىندارىنداعى سوتتالعانداردىڭ جاعدايىن جاقسارتۋدى وڭتايلاندىرۋ بويىنشا بىرقاتار زاڭ اكتىلەرىنە وزگەرىستەر ەنگىزۋگە قاتىستى ۇسىنىستاردى قاراۋ تۋرالى شەشىم قابىلدادى.
بۇدان سوڭ ۆەدومستۆو باسشىسى الماتى وبلىسىنىڭ قاجد جەكە قۇرامىمەن جۇمىس كەڭەسىن وتكىزدى. كەڭەستە كولونيا قىزمەتكەرلەرىنىڭ جازالاردى ورىنداۋ سالاسىنداعى زاڭنامالاردى جانە سوتتالعانداردىڭ قۇقىقتارىن مۇلتىكسىز ساقتاۋىنا باسا نازار اۋداردى, سونداي-اق مەكەمەدە بولعان توتەنشە جاعدايدى تەكسەرۋ ناتيجەلەرىن قارادى.
