ەكىجاقتى ساپارلار مەن ءىس-شارالاردى ەڭ جوعارى جانە جوعارى دەڭگەيدە ۇيىمداستىرۋ جوسپارلارى, ونىڭ ىشىندە سىرتقى ساياسي ۆەدومستۆو باسشىسىنىڭ وسى ايدا ورىن الاتىن بەرلينگە ساپارى قاراستىرىلدى.
تاراپتار ينۆەستيتسيالىق ىنتىماقتاستىقتى نىعايتۋ ماسەلەلەرىن, بۇل ۇدەرىستەگى ساۋدا-ەكونوميكالىق ىنتىماقتاستىق جونىندەگى ۇكىمەتارالىق جۇمىس توبىنىڭ, ستراتەگيالىق ىنتىماقتاستىق جونىندەگى قازاقستان-گەرمانيا ىسكەرلىك كەڭەسىنىڭ جانە بەرلين ەۋرازيالىق كلۋبىنىڭ ماڭىزدى ءرولىن جانە نەمىس ينۆەستورلارىنىڭ, سونىڭ ىشىندە شاعىن جانە ورتا بيزنەس وكىلدەرىنىڭ قازاقستاندا جۇمىس ىستەۋى ءۇشىن قولايلى جاعداي جاساۋ ماسەلەلەرىن تالقىلادى.
اڭگىمە بارىسىندا گۋمانيتارلىق سالاداعى ىنتىماقتاستىق, ورتا ءبىلىم بەرۋ جۇيەسىندە جانە نەمىس ءتىلىن وقىتۋ ورتالىقتارى جەلىسى ارقىلى نەمىس ءتىلىن كەڭەيتۋ, سونداي-اق دۋالدى ءبىلىم بەرۋ سالاسىنداعى ىنتىماقتاستىقتى ودان ءارى دامىتۋ ماسەلەلەرىنە ەرەكشە نازار اۋدارىلدى. قازاقستانداعى شامامەن 200 000 ادامنان تۇراتىن نەمىس دياسپوراسى جانە گفر-داعى 900 000 «قازاقستاندىق» نەمىستەر قۇرايتىن ەكى ەل اراسىنداعى «جاندى كوپىر» بار بولعاننىڭ زور ماڭىزدىلىعى اتاپ ءوتىلدى.
گەرمانيا قازاقستاننىڭ ەڭ ءىرى ساۋدا سەرىكتەستەرى مەن ينۆەستورلارىنىڭ ءبىرى بولىپ تابىلادى. 2018 جىلدىڭ سوڭىندا قازاقستان رەسپۋبليكاسى مەن گەرمانيا اراسىنداعى تاۋار اينالىمى 2,1 ميلليارد اقش دوللار قۇرىپ, بۇل كورسەتكىش 2017 جىلمەن سالىستىرعاندا 10,8%-عا جوعارى. سوڭعى 13 جىل ىشىندە گەرمانيادان قازاقستانعا تارتىلعان تىكەلەي ينۆەستيتسيالار كولەمى 8,6 ملرد. اقش دوللارىن قۇرادى. گەرمانياداعى ينۆەستيتسيالاردىڭ 90%-ى «شيكىزاتتىق ەمەس سەكتورعا», سونىڭ ىشىندە شاعىن جانە ورتا بيزنەس كاسىپورىندارىن قولداۋ مەن دامىتۋعا باعىتتالادى.
قازاقستاندا نەمىس كاپيتالىنىڭ قاتىسۋىمەن 900-دەن استام كاسىپورىن بار. ولاردىڭ اراسىندا «METRO», «KNAUF», «Heidelberg Cement», «BASF», «Linde AG», «CLAAS» سياقتى ءىرى كومپانيالاردىڭ وكىلدەرى جانە باسقالارى بار. وتكەن جىلى عانا «WILO» وندىرىستىك كەشەنى اشىلدى, ونىڭ قۇرامىندا كونسولدىق, بلوكتىق جانە ۇڭعىلى سورعىلىق جۇيەلەر سالاسىنداعى جوبالاۋشىلار مەن ينجەنەرلەردى ءوندىرۋ, سىناۋ جانە وقىتۋ بويىنشا جوعارى تەحنولوگيالىق ورتالىق, سونداي-اق «OBI» كومپانياسىنىڭ قۇرىلىس ماتەريالدارى مەن جابدىقتارى ورتالىعى بار.
