ءىس-شارا وڭىردەگى قاۋىپسىزدىكتى قامتاماسىز ەتۋ بويىنشا ايماقتىق ىنتىماقتاستىقتى نىعايتۋ شەڭبەرىندە وتكىزىلەدى. مەملەكەت باسشىلارى وتكەن جىلعى 15 ناۋرىزدا استانا قالاسىندا وتكەن كەزدەسۋ بارىسىندا ءوزارا ءىس-ارەكەتتەردىڭ وسىنداي جاڭا فورماتىنا باستاماشىلىق جاساعان بولاتىن.
كەڭەس جۇمىسىنا قازاقستان ىشكى ىستەر ءمينيسترى ە.ز. تۇرعىمباەۆ, تاجىكستان ىشكى ىستەر ءمينيسترى ر.ح. راحيمزودا, وزبەكستان ىشكى ىستەر ءمينيسترى پ.ر. بوبوجونوۆ جانە قىرعىزستان ءىىم وكىلەتتتى ۋاكىلى ا.ك. دولوسباەۆ, ىشكى ىستەر مينيسترلىكتەرى ورتالىق اپپاراتتارى قىزمەتتەرىنىڭ, سونداي-اق شەكارا ماڭىنداعى وڭىرلەر ىشكى ىستەر ورگاندارىنىڭ باسشىلارى قاتىستى.
كەزدەسۋ بارىسىندا ىشكى ىستەر ورگاندارىنىڭ زاڭسىز كوشى-قونعا قارسى كۇرەس, قىلمىسكەرلەردى ىزدەستىرۋ سالاسىنداعى, سونداي-اق شەكارا ماڭىنداعى وڭىرلەر ءىىو-نىڭ بوتەن م ۇلىكتى ۇرلاۋعا قارسى كۇرەستە ءوزارا بايلانىسىنىڭ وزەكتى ماسەلەلەرى قارالدى.
«چولپون-اتا قالاسىندا وتكەن ءبىرىنشى كەڭەستەن بەرى ءبىر جىل ۋاقىت ءوتتى. ىنتىماقتاستىقتىڭ وسىنداي جاڭا فورماتى تۋرالى باستاما وتكەن جىلى 15 ناۋرىزدا استانا قالاسىندا وتكەن مەملەكەت باسشىلارى باسقوسۋىندا كوتەرىلگەن بولاتىن. بۇگىن بىزگە ءوزارا كەلىسىمگە وتكەن جىلى قول جەتكىزىلدى دەپ ايتۋعا نەگىز بار. بۇل ىنتىماقتاستىق, اسىرەسە شەكارالىق وڭىرلەردەگى بايلانىستىڭ ودان ءارى نىعايۋىنا سەرپىن بەردى. ءبىز قىرعىزستاندىق, تاجىكستاندىق جانە وزبەكستاندىق ارىپتەستەرمەن ەكىجاقتى, كوپباعىتتى فورماتتا تابىستى قىزمەت اتقارىپ كەلەمىز. شىۇ اياسىندا جانە باسقا دا حالىقارالىق ۇيىمدارمەن بايلانىسا وتىرىپ, تمد اۋماعىنداعى قىلمىسپەن كۇرەستىڭ بىرلەسكەن باعدارلامالارىن ىسكە اسىرامىز. ەسىرتكى قىلمىسى, تەرروريزم جانە ەكسترەميزم, زاڭسىز كوشى-قون, سونداي-اق ترانسۇلتتىق ۇيىمداسقان توپتارمەن بايلانىستى جالپى قاۋىپ-قاتەردىڭ ءوسۋى بىزدەن ورتالىق ازيا اۋماعىندا بىرلەسىپ وسىنداي قىلمىس تۇرلەرىمەن كۇرەسۋدى تالاپ ەتەدى. سوندىقتان ءبىزدىڭ ستراتەگيالارىمىز بەن ءوزارا بايلانىسىمىزدىڭ ءادىس-تاسىلدەرىن جەتىلدىرۋدى كەشەندى تۇردە قولعا الۋ قاجەت. وسى تۇرعىدان كەلگەندە ءبىزدىڭ كەڭەسىمىز مۇمكىن بولاتىن قاۋىپ-قاتارلەردىڭ الدىن الۋعا باعىتتالعان ۋاقىتىلى شەشىمدەردى قابىلداپ, وزەكتى ماسەلەلەردى تالقىلاۋدىڭ قولايلى الاڭى بولىپ تابىلادى», دەپ مالىمدەدى ءىىم باسشىسى ەرلان تۇرعىمباەۆ.
وتىرىس قورىتىندىسى بويىنشا ىشكى ىستەر مينيسترلەرى كەڭەس حاتتاماسىنا قول قويدى.
بۇعان قوسا, دەلەگاتسيا باسشىلارى ترانسشەكارالىق قىلمىسقا قارسى كۇرەستە ورتالىق ازيا ءوڭىرى مەملەكەتتەرىنىڭ ىشكى ىستەر ورگاندارىنىڭ كۇش-جىگەرىن ۇيلەستىرۋشى وڭىرلىك كونسۋلتاتيۆتىك-كەڭەسشى ورگان رەتىندەگى كەڭەس قىزمەتىنىڭ قۇقىقتىق نەگىزدەرىن بەكىتتى.
