ونىڭ ايتۋىنشا, ۆەدومستۆونىڭ باسىم مىندەتتەرىنىڭ ءبىرى - كولەڭكەلى ەكونوميكا دەڭگەيىن ەىدۇ ەلدەرىنىڭ دەڭگەيىنە دەيىن تومەندەتۋ - ءجىو-ءنىڭ 15-17%.
ۇكىمەت بەكىتكەن 2019-2021 جىلدارعا ارنالعان ءىس-شارالار جوسپارىنىڭ اياسىندا مەملەكەتتىك ورگاندار «اتامەكەن» ۇكپ-مەن بىرلەسە وتىرىپ, سالىق جانە كەدەن ساياساتىن جەتىلدىرۋ جانە قولما-قول اقشاسىز اينالىمداردىڭ ۇلەسىن ارتتىرۋ ارقىلى شاعىن جانە ورتا بيزنەس سۋبەكتىلەرىن «كولەڭكەدەن» شىعارۋ جۇمىسىن جۇرگىزۋدە. جۇمىستار سالىقتىق جانە كەدەندىك اكىمشىلەندىرۋدى تسيفرلاندىرۋعا, اقپاراتتىق جۇيەلەردى بىرىكتىرۋگە نەگىزدەلگەن.
«تسيفرلاندىرۋ بويىنشا قابىلدانىپ جاتقان شارالار قازىردىڭ وزىندە سالىقتىق تەكسەرۋلەردى 9%-عا قىسقارتۋ جانە بيۋدجەتكە تۇسەتىن كىرىستەردى 20%-عا كوبەيتۋ تۇرىندە وڭ اسەرىن تيگىزۋدە», دەدى ب. شولپانقۇلوۆ.
سالىق جانە كەدەندىك اكىمشىلەندىرۋدى تسيفرلاندىرۋ الداعى ءۇش جىل ىشىندە بيۋدجەتكە 1,9 ترلن تەڭگە كولەمىندە قوسىمشا تۇسىمدەردى قامتاماسىز ەتەدى (2019 جىلى 520 ملرد تەڭگە, 2020 جىلى 623 ملرد تەڭگە جانە 2021 جىلى 750 ملرد تەڭگە).
سونىمەن قاتار, حالىق پەن بيزنەستىڭ ەسەپ ايىرىسۋىنىڭ قولما-قول اقشاسىز فورماسىنىڭ كولەمىن ۇلعايتۋ شارالارى قابىلدانىپ جاتىر. قولما-قول اقشاسىز فورمادا جىلجىمايتىن م ۇلىكپەن جاسالاتىن مامىلەلەردى جۇزەگە اسىرۋدى ىنتالاندىرۋ, سالىق تولەمدەرىن جەڭىلدەتۋ ءۇشىن سالىق تولەۋشىنىڭ ەلەكتروندى ءاميانىن ەنگىزۋ ماسەلەلەرى قارالۋدا.
ءوز كەزەگىندە قر قارجى مينيسترلىگىنىڭ مەملەكەتتىك كىرىستەر كوميتەتى توراعاسىنىڭ ورىنباسارى جايدار ىڭكارباەۆ بيزنەس جۇرگىزۋ راسىمدەرىن جەڭىلدەتۋ جانە پاتەنتكە نەگىزدەلگەن رەجيمگە كوشۋ مۇمكىندىگى تۋرالى ايتىپ بەردى.
«جالپى, پاتەنت باستاپقىدا جالدامالى جۇمىسشىلارسىز ءوزىن-ءوزى جۇمىسپەن قامتىعان كاسىپكەرلەر ساناتىنا ارنالعان ەدى. نارىقتاعى بيزنەستىڭ نەگىزگى ۇلەسىندە جالدامالى جۇمىسشىلار بار جانە ولاردىڭ اينالىمى پاتەنتكە رۇقسات ەتىلگەن دەڭگەيدەن اسادى. بىرتىندەپ كوشۋ جوسپارلاندى. جەڭىلدەتىلگەن دەكلاراتسيادا بار بولعانى 3%, ال پاتەنتتە بارلىق سالىقتاردىڭ 2%-ى. جەڭىلدەتىلگەن رەجيم تومەن سالىستىرمالى جۇكتەمەنى جانە وڭايلاتىلعان ەسەپكە الۋدى توپشىلايدى. سوندىقتان ءبىز قازىر باسقا رەجيمدەرگە ءوتۋ پروتسەدۋراسىن ۇزارتۋدىڭ قاجەتى جوق دەپ سانايمىز», دەدى جايدار ىڭكارباەۆ.
