راسىمنەن كەيىن بولعان سۇحبات بارىسىندا ەلشى سۇحباتتاسقا قازاقستان پرەزيدەنتى قاسىم-جومارت توقاەۆتىڭ قۇتتىقتاۋىن جەتكىزدى, قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ باستاماسىمەن 2050 ستراتەگياسى شەڭبەرىندە قازاقستاندا جۇرگىزىلىپ جاتقان رەفورمالار تۋرالى مالىمدەپ, وڭتۇستىك-شىعىس ازياداعى ەڭ ءىرى مەملەكەت جانە ەكونوميكا بولىپ تابىلاتىن يندونەزيامەن جان-جاقتى ىنتىماقتاستىقتى دامىتۋعا قىزىعۋشىلىعىن راستادى.
يندونەزيا پرەزيدەنتى قازاقستاننىڭ تاۋەلسىزدىك جىلدارى قول جەتكىزگەن جەتىستىكتەرىن جوعارى باعالاپ, استانانى كوشىرۋ جانە نۇر-سۇلتاننىڭ دامۋى جونىندەگى قازاقستاندىق تاجىريبەگە ەرەكشە قىزىعۋشىلىق ءبىلدىردى. ج.ۆيدودو قازاقستانمەن ىنتىماقتاستىقتى تەرەڭدەتۋگە مۇددەلىلىگىن راستادى جانە ەلشىگە ديپلوماتيالىق ميسسياسىندا ساتتىلىك تىلەدى.
ءوز كەزەگىندە د.سارەكەنوۆ ەكى ەل اراسىنداعى دوستىق قاتىناستاردى نىعايتۋعا جانە ولاردى جاڭا جوعارى دەڭگەيگە شىعارۋعا بار كۇشىن سالاتىنىنا سەندىردى.
