قاسىم-جومارت توقاەۆ قازاقستان رەسپۋبليكاسى پرەزيدەنتىنىڭ كۋبوگى ءۇشىن حوككەيدەن 10-شى حالىقارالىق ءتۋرنيردىڭ اشىلۋ سالتاناتىنا قاتىستى. اتالعان سپورت دوداسى 7-11 تامىز ارالىعىندا «بارىس ارەنا» مۇز ايدىنى سارايىندا وتەدى.
سالتاناتتى اشىلۋ راسىمىنەن كەيىن مەملەكەت باسشىسى «بارىس» جانە «اك بارس» كلۋبتارى اراسىنداعى ويىندى تاماشالادى.
***
قازاقستان رەسپۋبليكاسى پرەزيدەنتىنىڭ كۋبوگى – 2010 جىلدان بەرى نۇر-سۇلتان قالاسىندا وتكىزىلەتىن جىل سايىنعى ماۋسىم الدىنداعى شايبالى حوككەي ءتۋرنيرى. بيىلعى تۋرنيرگە ەلوردالىق «بارىس» كومانداسى مەن قازاندىق «اك بارستان» بولەك رەسەي فەدەراتسياسىنان – «اۆتوموبيليست» (ەكاتەرينبۋرگ), «نەفتەحيميك» (نيجنەكامسك) جانە «سالاۆات يۋلاەۆ» (ۋفا) كلۋبتارى قاتىسۋدا.
