ليۆان قازاقستانمەن ديپلوماتيالىق قاتىناستاردى العاشقى ورناتقان اراب ەلدەرىنىڭ ءبىرى.
ء«بىزدىڭ ەلدەرىمىز جوعارى دەڭگەيدەگى ساياسي بايلانىستاردى ءساتتى دامىتۋدا. باسشىلىق دەڭگەيدەگى جانە ىسكەرلىك توپتاردىڭ ەكىجاقتى كەزدەسۋلەرى ارتىپ كەلەدى», دەدى ءسىم باسشىسى.
قازاقستان ليۆاننىڭ استانا فورماتىنداعى سيرياارالىق كەلىسسوزدەردىڭ 13-ءشى راۋندىنا جاڭا بايقاۋشى رەتىندە قوسىلۋىن قولدادى. بۇگىنگى تاڭدا قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ قولداۋىمەن استانا پروتسەسى قاقتىعىستى رەتتەۋدەگى ماڭىزى وتە جوعارى بولىپ تابىلادى. قيىندىقتارعا قاراماستان, قازاقستان استاناسىنداعى بەيبىت كەلىسسوزدەر ءوز قيسىندىلىعىن جانە تيىمدىلىگىن دالەلدەدى.
مينيستر ليۆان اۋماعىندا ورنالاسقان ءۇندى كونتينگەنتى قۇرامىنا كىرەتىن قازاقستاندىق بىتىمگەرشىلىك باتالونىنا كورسەتكەن كومەگى ءۇشىن ليۆانعا العىسىن ءبىلدىردى.
ليۆان ەلشىسى ءوز مەملەكەتىنىڭ قازاقستانمەن جان-جاقتى قارىم-قاتىناستاردى ودان ءارى دامىتۋعا اسا قىزىعۋشىلىعىن اتاپ ءوتىپ, ەكىجاقتى كۇن تارتىبىندەگى ماسەلەلەردى شەشۋ ماقساتىندا قازاقستاندىق تاراپپەن بەلسەندى ىنتىماقتاستىققا دايىن ەكەندىگىن جەتكىزدى.
«بۇگىن ءبىزدىڭ مەملەكەتتەرىمىز تەك ەكىجاقتى قاتىناستاردى عانا ەمەس, سونىمەن قاتار ايماقتىق جانە حالىقارالىق ۇيىمدار شەڭبەرىندەگى تابىستى ىنتىماقتاستىقتى دامىتۋدا», دەپ قوستى ليۆاندىق ديپلومات. وسى تۇرعىدا ج.ال-حۋري قازاقستاننىڭ ءتۇرلى حالىقارالىق الاڭداردا ماڭىزدى ءرولىن اتاپ, نۇر-سۇلتاننىڭ جاقسى مەدياتور ەكەنى ايتىلدى.
سونىمەن قاتار ج.ال-حۋري استانا پروتسەسى قاراپايىم سيريالىقتاردىڭ, اسىرەسە بوسقىنداردىڭ تۋعان ەلىنە ورالۋ ماسەلەسى شەشىلەتىن جالعىز ومىرگە بەيىمدى الاڭى بولىپ تابىلاتىنىن اتاپ ءوتتى.
تاراپتار ساۋدا-ەكونوميكالىق قاتىناستاردى دامىتۋ ماسەلەلەرىن جان-جاقتى تالقىلادى. اتالعان قارىم-قاتىناستاردىڭ تومەن دەڭگەيى ەكى مەملەكەتتىڭ قولدا بار الەۋەتىنە سايكەس كەلمەيتىنى اتاپ ءوتىلدى. وسى سالانى كەڭەيتۋ ماقساتىندا بارلىق قولجەتىمدى مۇمكىندىكتەردى زەرتتەۋ قاجەتتىلىگىنە نازار اۋدارىلدى.
اۋىل شارۋاشىلىعى سالاسىنداعى ءوزارا ءىس-قيمىل ىنتىماقتاستىقتىڭ پەرسپەكتيۆالىق باعىتى بولىپ تابىلادى. قازاقستان تاياۋ شىعىس ەلدەرىنە, سونىڭ ىشىندە ليۆانعا بيداي ونىمدەرىن جەتكىزۋگە مۇددەلى.
ليۆاندىق كاسىپكەرلەر كولىك جانە لوگيستيكا, تۋريزم, قوناقۇي مەن مەيرامحانا بيزنەسى, سونداي-اق قىزمەت كورسەتۋ سياقتى بيزنەستىڭ ءارتۇرلى سالالارىنا بەلسەندى ىنتىماقتاستىققا شاقىرىلدى.
