اتالعان كەشەن اعىمداعى جىلعى كۇز مەزگىلىندە اتالىپ ءوتىلۋى ءتيىس وبلىستىڭ 80 جىلدىق مەرەيتويىنا دەيىن تولىعىمەن اياقتالىپ, پايدالانۋعا بەرىلۋى كەرەك. الايدا مۇنداعى قۇرىلىس جۇمىستارىنىڭ بۇگىنگى تاڭداعى قارقىنى كوڭىل كوڭشىتپەيتىنى جيىندا اشىق ايتىلدى. وسى ماسەلەگە ءجىتى نازار اۋدارعان اسقار مىرزاحمەتوۆ قۇرىلىس جۇمىستارىن جانداندىرا ءتۇسۋ كەرەكتىگىن باسا ايتتى. ول ءۇشىن ەكى اۋىسىمدىق رەجيمگە نەگىزدەلگەن جاڭا جۇمىس كەستەسى بەكىتىلدى. سول بويىنشا مەردىگەرلەردىڭ جۇمىسى شيراتىلىپ, قارقىنى كۇشەيتىلمەك. الايدا اكىم ۋاقىتتان ۇتامىز دەپ, قۇرىلىس ساپاسىن نازاردان تىس قالدىرماۋ كەرەكتىگىن قاتاڭ ەسكەرتتى.
سونىمەن قاتار جيىن بارىسىندا ەندىگى كەزەكتە جۇمىس رەجيمىنىڭ وزگەرۋىنە بايلانىستى, قۇرىلىسقا قاجەتتى ماتەريالداردى ۋاقتىلى جەتكىزىپ وتىرۋ جايى دا ءسوز بولدى. بۇل ورايدا ماتەريالداردى وندىرۋشىلەرمەن الدىن-الا كەلىسىمگە وتىرىپ, قاجەتتى بۇيىمداردى كۇنى بۇرىن دايىنداتىپ قويۋدىڭ ماڭىزدىلىعى ايتىلدى. اسقار مىرزاحمەتوۆ بۇل جۇمىستاردى كۇندەلىكتى ءوز باقىلاۋىندا ۇستايتىنىن جەتكىزىپ, ءتيىستى تۇلعالارعا ناقتى تاپسىرمالار بەردى.
جامبىل وبلىسى
