كينوستۋديا ديرەكتورى نۋريددين پاتتەەۆ پەن رەجيسسەر باتىرحان داۋرەنبەكوۆ دەپۋتاتپەن شىعارماشىلىق وي پىكىرلەرىمەن, جاڭا جوبالارىمەن ءبولىستى.
ايگۇل قاپباروۆا بيىل قابىلدانعان «كينەماتوگرافيا تۋرالى» زاڭ كينووندىرىستى قولداۋعا, ۇلتتىق فيلمدەردىڭ ساپاسى مەن باسەكەگە قابىلەتتىلىگىن ارتتىرۋعا, حالىق ءۇشىن كينو كورۋ قىزمەتىنىڭ قولجەتىمدىلىگى مەن وتاندىق كينو بەدەلىنىڭ ءوسۋى مەن تانىلۋى ءۇشىن زاڭنامالىق نەگىز جاسالعانى جونىندە اڭگىمەلەدى. سونداي-اق كينو جانە انيماتسيا سالاسىن مەملەكەتتىك قارجىلىق قولداۋ ماسەلەلەرى ءسوز بولدى.
ايتا كەتەيىك, «ساق» كينوستۋدياسى «تومپاق», «قالقانقۇلاق» سەريالدارىمەن, «قازاق ەلى», «تەكە مەن قوشقار» انيماتسيالىق فيلمدەرىمەن تانىمال. بۇگىنگە دەيىن كينوستۋديا 60-تان استام انيماتسيالىق جانە 6 تولىقمەتراجدى فيلم تۇسىرگەن. بۇدان بولەك, اتالعان كينوستۋديا بيىل «تولە بي» 10 سەريالى كينوحيكاياسىن, «تۇركىستان», «وقسىز وقيعاسى», «ورداباسى - بىرلىكتىڭ تۋى» اتتى انيماتسيالىق فيلمدەر ءتۇسىرىپ, ەل نازارىنا ۇسىندى. ول تۋىندىلار كورەرمەن تاراپىنان جوعارى باعالانعان بولاتىن.
شىمكەنت
