ايماقتار • 07 تامىز, 2019

ارىس قالاسىندا 7 الەۋمەتتىك نىسان تولىق قالپىنا كەلتىرىلدى

480 رەت

كورسەتىلدى

1 مين

وقۋ ءۇشىن

قۇرىلىس جانە تكش ىستەرى كوميتەتىنىڭ مالىمەتى بويىنشا, ارىس قالاسىندا جالپى العاندا 9313 قۇرىلىسشى ەڭبەك ەتۋدە. 7 مىڭنان استام مامان تۇرعىن ءۇي قورىن قالپىنا كەلتىرۋدە, قالعان بولىگى الەۋمەتتىك نىسانداردا ىسكە قوسۋمەن اينالىسۋدا. 6 تامىزعا دەيىن بريگادالار 7 ءبىلىم بەرۋ مەكەمەسىن تولىق جوندەۋدەن وتكىزىپ, پايدالانۋعا تاپسىردى. ءبىلىم بەرۋ, دەنساۋلىق ساقتاۋ جانە سپورت سالاسىنداعى 59 نىساننىڭ قۇرىلىس جۇمىستارى اياقتالۋدا, دەپ يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.

Egemen Qazaqstan

ارىس قالاسىندا 7 الەۋمەتتىك نىسان تولىق قالپىنا كەلتىرىلدى

سونداي-اق اپتاپ ىستىققا قاراماستان, قۇرىلىسشىلار 2405 ۇيدە كوسمەتيكالىق جوندەۋ جۇمىستارىن اياقتايدى. اپاتتى دەپ تانىلعان تاعى 413 ءۇي بۇزىلىپ, رەكوردتىق مەرزىمدە قۇرىلىسى سالىنىپ جاتىر.

ەستەرىڭىزگە سالا كەتەيىك, اسكەري پوليگونداعى جارىلىستاردان ارىس قالاسىنىڭ تۇرعىن ءۇي قورىنىڭ 85% زارداپ شەككەن ەدى. 1 تامىزعا دەيىن قۇرىلىسشىلار 6,5 مىڭ جتق جانە كپتۇ وبەكتىلەرىن قالپىنا كەلتىردى, بۇل بارلىق قيراعان ۇيلەردىڭ 90%. اۋقىمدى قۇرىلىسقا بارلىق وڭىرلەر مەن رەسپۋبليكالىق ماڭىزى بار قالالار تارتىلعان.