الماتى اكىمىنىڭ تاپسىرماسى بويىنشا 1-3 تامىز ارالىعىندا «بايسات», «سالەم» جانە «الاتاۋ-1» بازارلارىندا 2016-2019 جىلدارعا ارنالعان «دەنساۋلىق» مەملەكەتتىك باعدارلاماسىن جۇزەگە اسىرۋ اياسىندا مۇنداعى قىزمەتكەرلەر مەن كەلۋشىلەر كەشەندى مەديتسينالىق الدىن الۋ شارالارىنان ءوتتى.
مەديتسينالىق پروفيلاكتيكالىق قابىلداۋلارعا جەتىسۋ اۋدانىنداعى مەدۇيىمدار №11, №21 ەمحانالار, «قۇلاگەر» العاشقى مەديتسينالىق-سانيتارلىق كومەك كورسەتۋ ورتالىعى, №5 ەمحانا, الماتى قالالىق فزوج ورتالىعىنىڭ, سپيد-ءتىڭ الدىن الۋ جانە وعان قارسى كۇرەس ورتالىعىنىڭ, تەرى-ۆەنەرولوگيا ورتالىعىنىڭ, الماتى ونكولوگيا ورتالىعىنىڭ ماماندارى قاتىستى.
«تۇراتىن جەرلەرىنە قاراماستان ءبىز كەلۋشىلەردىڭ بارلىعىن قابىلدادىق. بازارلاردا جۇمىس جاسايتىن كورشى مەملەكەتتەر ازاماتتارى دا دارىگەرلەردەن كەڭەس الىپ, مەديتسينالىق باقىلاۋدان ءوتتى. ءتىپتى كەيبىرەۋلەرى وزدەرىنىڭ قان قىسىمىن بىلمەگەن, بايقاۋ بارىسىندا 21 ادامنىڭ گيپەرتونياعا ۇشىراعانى انىقتالدى. ولاردىڭ توعىزىن دارىگەرلەر جەدەل قاراپ, قان قىسىمدارىن رەتكە كەلتىردى. ستاتسيونارلى تسيفرلى پوست جۇمىس ىستەدى, سول ارقىلى ادامدار قاي ەمحاناعا تىركەلگەندەرىن ءبىلدى», دەدى قالالىق №111 ەمحانانىڭ تەراپەۆت ءبولىمىنىڭ مەڭگەرۋشىسى نازىم كۇشىكباەۆا.
1 - 3 تامىز ارالىعىندا بايسات», «سالەم» جانە «الاتاۋ-1» بازارلارىنىڭ 425 قىزمەتكەرلەرى مەدبايقاۋدان ءوتتى جانە مامانداردان كەڭەس الدى.
«شەتسىز قالا» اكتسياسى اياسىندا مەديكتەر 5 تامىزدا «كوكمايسا» ىقشام اۋدانى تۇرعىندارىن كەشەندى مەديتسينالىق باقىلاۋدان وتكىزدى.
