سونداي-اق قازاقستان اۋماعىندا «Elbit Systems Ltd.» كومپانياسىنىڭ تاۋارلىق بەلگىسىن پايدالانۋعا ايرىقشا قۇقىق بەرەتىن ليتسەنزيالىق كەلىسىمگە قول قويىلدى.
قازاقستاندىق اۆيايندۋستريا – اۋە اپپاراتتارىنا تەحنيكالىق قىزمەت كورسەتۋ, جوندەۋ جانە ولاردى جەتىلدىرۋمەن اينالىساتىن كاسىپورىن. كاسىپورىندى «قازاقستان ينجينيرينگ» ۇك» اق جانە «قامقور مەنەدجمەنت» جشس بىرلەسىپ دامىتۋدا.
– بۇل جوبا ۇشۋ اپپاراتتارىن ساتۋدان بولەك, ولاردى جوندەۋ جانە باپتاۋ جونىنەن باسقا ەلدەرگە دەگەن تاۋەلدىلىكتى ازايتادى. سونىمەن بىرگە بىلىكتى وتاندىق مامانداردى دايارلاۋعا جانە جاڭا جۇمىس ورىندارىن اشۋعا دا مۇمكىندىك بەرەدى, – دەيدى «قازاقستان ينجينيرينگ» ۇك» اق باسقارما توراعاسى قۋانىش ءبيشىموۆ.
قازاقستانداعى وسى ۇشۋ اپپاراتتارىن ىقتيمال پايدالانۋشىلار اراسىندا جۇرگىزىلگەن سۇراۋ (قورعانىس مينيسترلىگى,ۇلتتىق قاۋىپسىزدىك كوميتەتىنىڭ شەكارا قىزمەتى, اۋىل شارۋاشىلىعى مينيسترلىگى, ىشكى ىستەر مينيسترلىگى جانە مۇناي-گاز سالاسىنىڭ كومپانيالارى, ت.ب.) وتاندىق ءوندىرىس پەن جەرگىلىكتى تەحنيكالىق قىزمەت كورسەتۋ بولعاندا عانا اتالعان ونىمگە دەگەن سۇرانىستىڭ ارتاتىنىن كورسەتتى.
سونىمەن قاتار حالىقارالىق تالداۋ دا ۇشۋ اپپاراتتار نارىعىنىڭ جىل سايىن ۇدايى كەڭەيىپ كەلە جاتقانىن بايقاتىپ وتىر.
ق.ءبيشىموۆتىڭ ايتۋىنشا, بۇل كاسىپورىن قازاقستاندا ۇشۋ اپپاراتتارىن شىعارۋ, تەحنيكالىق قىزمەت كورسەتۋ جانە جەتىلدىرۋ جونىندەگى ءىرى ورتالىققا اينالۋى كەرەك. بولاشاقتا وتاندىق ءونىمدى ەكسپورتقا شىعارۋ دا جوسپاردا بار.
وسى جىلدىڭ سوڭىنا دەيىن ۇشقىشسىز باسقارىلاتىن ۇشۋ اپپاراتتارىن شىعارۋعا ارنالعان قۇرال-جابدىقتاردىڭ العاشقى پارتياسى كەلىپ جەتپەكشى.
