قازىر فەدەراتسيا وتىنىمدەردى قابىلداپ, ادەتتەگىدەي سالماعى, سايكەستىگى سياقتى پارامەنترلەرمەن تاڭداۋ جۇرگىزىپ, ۇيىمداستىرۋ ماسەلەلەرىن شەشىپ جاتىر.
Qazaq kuresi ازيا چەمپيوناتىنا بارلىعى 100-دەن اسا سپورتشى قاتىسادى دەپ كۇتىلۋدە. قازىرگى كۇننىڭ وزىندە قىتاي, جاپونيا, ءۇندىستان, پاكىستان, وزبەكستان, قىرعىستان جانە تاعى دا باسقا مەملەكەت پالۋاندارى بەلدەسۋگە نيەت ءبىلدىردى.
حالىقارالىق قازاق كۇرەسى فەدەراتسياسى – ۇلتتىق سپورت ءتۇرىن الەمدىك دەڭگەيدە دامىتىپ, حالىقارالىق سەرىكتەستەر مەن سپورتشىلاردىڭ باسىن بىرىكتىرىپ جۇرگەن بىرلەستىك. الەم بويىنشا ۇلتتىق سپورتىمىزعا قىزىعۋشىلىق تانىتقاندار سانى كۇن ساناپ ارتۋدا.
جۋىردا عانا پولشانىڭ ۆروتسلاۆ قالاسىندا قازاق كۇرەسىنەن ەۋروپا چەمپيوناتى ءوتتى. ەۋروپا چەمپيوناتىنا البانيا, ارمەنيا, ازەربايجان, اۆستريا, بەلارۋس, بولگاريا, كيپر, ەستونيا, گرۋزيا, گرەكيا, يسلانديا, يزرايل, يتاليا, لاتۆيا, ليتۆا, مولدوۆا, نورۆەگيا, پولشا, رۋمىنيا, رەسەي, سەربيا, سلوۆەنيا, يسپانيا, ۋكراينا سەكىلدى 24 ەلدەن 113 پالۋان قاتىستى. ەۋروپا چەمپيوناتىندا العاش رەت يرلانديا, يتاليا, يسپانيا ۇلتتىق قۇرامالارى ونەر كورسەتتى.
بيىل قازاق كۇرەسىنەن حالىقارالىق فەدەراتسيانىڭ قۇرىلعانىنا 2 جىل تولدى. فەدەراتسيا قۇرامىنا 29 شەت ەل جانە ەكى حالىقارالىق سپورت ۇيىمدارى كىردى. جاقىن ارادا تاعى 10 شەتەلدىك مەملەكەت قوسىلادى.
