تەحاس شتاتىنىڭ گۋبەرناتورى گرەگ ەببوتت ەل-پاسو قالاسىنداعى ساۋدا ورتالىعىندا وق جاۋدىرعان ەر ادامنىڭ ۇستالۋى جايلى ايتىپ بەردى, - دەپ حابارلايدى Tengrinews.kz ءتىلشىسى ريا نوۆوستي اگەنتتىگىنە سىلتەمە جاساپ. ەببوتتتىڭ ايتۋىنشا, ساۋدا ورتالىعىنداعى اتىس تۋرالى اقپارات جەكسەنبى كۇنى جەرگىلىكتى ۋاقىت بويىنشا 10.39-دا (نۇر-سۇلتان ۋاقىتى بويىنشا 21.39-دا) تۇسكەن. پوليتسەيلەر وقيعا ورنىنا التى مينۋتتان كەيىن كەلگەن. 11.06-دا (نۇر-سۇلتان ۋاقىتىمەن 22.06-دا) كۇدىكتى ۇستالدى. جالپى وپەراتسيا 21 مينۋتقا سوزىلدى.
ەر ادام ءتارتىپ ساقشىلارىنا ءوزى بەرىلگەن.
بۇعان دەيىن تەحاستىڭ باتىسىنداعى ەل-پاسو قالاسىنىڭ Walmart ساۋدا ورتالىعىندا اتىس سالدارىنان 20 ادام قازا تاپقانى ءمالىم بولعان. قارۋ ۇستاعان ادام 21 جاستاعى پاتريك كرۋزيوس بولىپ شىقتى. ساۋدا ورتالىعىندا وق اتپاس بۇرىن ول ءوزىنىڭ Twitter-دەگى پاراقشاسىندا ناۋرىزدىڭ ورتاسىندا بولعان جاڭا زەلاندياداعى مەشىتتەردە بولعان لاڭكەستىك ارەكەتتى قولداپ, مانيفەست جاريالاعان. بۇل قايعىلى وقيعا 50 ادامنىڭ ءومىرىن قيعان ەدى.
