قۇجاتقا اتارستان مۇسىلماندارى ءدىني باسقارماسىنىڭ "حالال" ستاندارتتاۋ كوميتەتىنىڭ توراعاسى زيگانشين يرەك پەن قازاقستان مۇسىلماندارى ءدىني باسقارماسىنىڭ جانىنداعى "حالال دامۋ" جشس-نىڭ ديرەكتورى انۋاربەك ەلجانوۆ قول قويدى.
بۇگىندە كەدەن وداعىنا مۇشە ەلدەر اراسىنداعى تاۋار اينالىمنىڭ 30%-عا جۋىعىن "حالال" تاعام ونىمدەرى قۇرايدى. ونىڭ ءبىر بولىگى تاتارستاننان كەلىپ جاتىر. وسىعان وراي ەكى ەل سەرتيفيكاتتالعان حالال ونىمدەردى توسقاۋىلسىز ەكسپورتقا شىعارۋ جانە يمپورتتاۋ ءۇشىن جاعداي جاساۋ ماقساتىندا بىرلەسىپ جۇمىس ىستەتىن بولدى.
بۇل مەموراندۋم نەگىزىندە تاراپتار "حالال" سالاسىن دامىتۋ جولىندا بىرلەسە كۇش جۇمىلدىرىپ, بىرلەسىپ سەمينارلار, كەزدەسۋلەر ۇيىمداستىرۋ, عىلىمي جۇمىستاردى اتقارۋ, وقىتۋ, ءبىلىم جەتىلدىرۋ سەمينارلارىن جۇزەگە اسىرادى.
