ساپار بارىسىندا قازاقستان ەلشىلىگىنىڭ قولداۋىمەن يندونەزيا اۋىل شارۋاشىلىعى مينيسترلىگى ازىق-ت ۇلىك قاۋىپسىزدىگى جونىندەگى اگەنتتىگىنىڭ باس ديرەكتورى اگۋنگ حەندريادي, يندونەزيا پرەزيدەنتىنىڭ تاياۋ شىعىس جانە يىۇ ەلدەرىمەن ىنتىماقتاستىق جونىندەگى ارنايى وكىلى الۆي شيحاب, يندونەزيانىڭ حالال كەپىلدىگى جونىندەگى اگەنتتىگىنىڭ (BPJPH) باسشىسى پروف. سۋكوسو, يندونەزيانىڭ پالما مايى وندىرۋشىلەرى قاۋىمداستىعىنىڭ (GAPKI) اتقارۋشى ديرەكتورى مۋكتي ساردجونو جانە يندونەزيا لوگيستيكالىق بيۋروسىمەن (BULOG) كەلىسسوزدەر ۇيىمداستىرىلدى.
كەزدەسۋلەر بارىسىندا ە.بايداۋلەت يندونەزيالىق تاراپتى قازاقستاننىڭ تۇڭعىش پرەزيدەنتى - ەلباسى نۇرسۇلتان نازارباەۆتىڭ باستاماسىمەن قۇرىلعان اقيۇ ماقساتتارى جانە مىندەتتەرىمەن تانىستىرىپ, يندونەزيا تاراپىن ۇيىمعا قوسىلۋعا جانە ءۇ.ج. 27-29 تامىزدا جيددا قالاسىندا وتەتىن اقيۇ باس اسسامبلەياسىنىڭ 2-سەسسياسىنا قاتىسۋعا شاقىردى.
ە.بايداۋلەت ۇيىمنىڭ قىزمەتى مۇشە مەملەكەتتەرگە تۇراقتى اۋىل شارۋاشىلىعى, اۋىلداردى دامىتۋ, ازىق-ت ۇلىك قاۋىپسىزدىگى مەن بيوتەحنولوگيا ماسەلەلەرى بويىنشا ساراپشىلىق ءبىلىم مەن تەحنيكالىق نوۋ-حاۋ بەرۋگە, اقيۇ-عا مۇشە مەملەكەتتەردەگى ازىق-ت ۇلىك قاۋىپسىزدىگىن باعالاۋ جانە مونيتورينگكە, سونداي-اق بىرلەسكەن اۋىلشارۋاشىلىق ساياساتىن ازىرلەۋ جانە ىسكە اسىرۋعا باعىتتالعانىن اتاپ ءوتتى.
ۇيىم يسلام ەلدەرىنىڭ حالقىن تابيعي-كليماتتىق جاعدايلارى مەن گەوگرافيالىق ورنالاسۋىنا وراي ەكونوميكالىق قول جەتىمدى ازىق-ت ۇلىكپەن قامتاماسىز ەتۋ, يىۇ-عا مۇشە ەلدەرگە ازىق-ت ۇلىك جەتكىزىلىمىنىڭ قۇنىن تومەندەتۋ ءۇشىن ءتيىمدى كولىك جانە لوگيستيكالىق مارشرۋتتار قۇرۋ, بىرلەسكەن ازىق-ت ۇلىك قورلارىن قالىپتاستىرۋ مەن باسقارۋ ارقىلى ازىق-ت ۇلىك باعاسىن تۇراقتاندىرۋ ماسەلەلەرىن شەشەدى. سونىمەن قاتار, اقيۇ يىۇ باس حاتشىلىعىنىڭ ءتيىستى سۇرانىستارى نەگىزىندە گۋمانيتارلىق باعدارلامالاردى جۇزەگە اسىرادى.
ءوز كەزەگىندە, يندونەزيا ازىق-ت ۇلىك قاۋىپسىزدىگى جونىندەگى اگەنتتىگىنىڭ باس ديرەكتورى ا.حەندريادي يندونەزيا حالقى سانى جونىنەن الەمدە 4-ورىندا تۇرعان مەملەكەت ءۇشىن ازىق-ت ۇلىك قاۋىپسىزدىگىن قامتاماسىز ەتۋ ماسەلەسى وتە وزەكتى ەكەندىگىن اتاپ ءوتتى جانە يندونەزيانىڭ وسى سالاداعى تاجىريبەسى تۋرالى حابارلادى. ا.حەندريادي قازاقستاننىڭ اقيۇ ىلگەرىلەتۋ جونىندەگى كۇش-جىگەرىن جوعارى باعالادى جانە يندونەزيالىق تاراپ ۇيىمعا قوسىلۋ, سونداي-اق اقيۇ باس اسسامبلەياسىنىڭ 2-ءشى سەسسياسىنا بايقاۋشى رەتىندە قاتىسۋ ماسەلەلەرىن قاراستىرادى دەپ ايتتى.
يسلام ىنتىماقتاستىعى ۇيىمى اياسىندا اقيۇ قۇرۋ تۋرالى باستامانى قازاقستاننىڭ تۇڭعىش پرەزيدەنتى – ەلباسى ن.نازارباەۆ 2011 جىلى يىۇ سىرتقى ىستەر مينيسترلەرى كەڭەسىنىڭ 38-سەسسياسىندا ۇسىندى.
اقيۇ 2016 جىلعى 28 ساۋىردە يىۇ ازىق-ت ۇلىك قاۋىپسىزدىگى جانە اۋىلشارۋاشىلىق دامۋى جونىندەگى مينيسترلەر كونفەرەنتسياسىنىڭ 7-ءشى سەسسياسىندا جانە اقيۇ باس اسسامبلەياسىنىڭ قۇرىلتاي سەسسياسىندا قۇرىلدى. ۇيىمنىڭ شتاب-پاتەرى نۇر-سۇلتان قالاسىندا ورنالاسقان. قازىرگى ۋاقىتتا ونىڭ قۇرامىنا يسلام الەمىنىڭ 33 مەملەكەتى كىرەدى. ۇيىمنىڭ رەسمي تىلدەرى - اراب, اعىلشىن جانە فرانتسۋز.
