جۇزدەسۋ بارىسىندا ويىنشىلار جەكە ويلارىن ايتىپ, كلۋبقا قاتىستى ماسەلەلەردىڭ شەشىلۋ جولدارى تالقىلاندى. وبلىس اكىمى ءوز كەزەگىندە سپورتشىلاردى جان-جاقتى قولداۋعا دايىن ەكەنىن جەتكىزدى.
«اقتوبە ءوڭىرى ءۇشىن فۋتبول سپورتىنىڭ ورنى ەرەكشە, كوماندادا ونەر كورسەتەتىن 24 ويىنشىنىڭ 19-ى اقتوبەلىكتەر ەكەن, بۇل رەسپۋبليكا بويىنشا وزگە كوماندالاردا كەزدەسە بەرمەيتىن قۇبىلىس»,-دەپ اتاپ ءوتتى وڭداسىن ورازالين.
«اقتوبە» فك-نىڭ باس جاتتىقتىرۋشىسى الەكساندر سەدنەۆ وبلىس اكىمىنە ارنايى كەلىپ, سپورتشىلارعا بىلدىرگەن قولداۋى ءۇشىن العىسىن ءبىلدىردى.
«وكىنىشكە وراي, سوڭعى كەزدەرى جانكۇيەرلەرىمىزدىڭ ءۇمىتىن اقتاي المادىق, سونداي ساتسىزدىكتەرگە قاراماستان ۇزبەي قولداۋ كورسەتكەن بارلىق قولداۋشى جانكۇيەرلەرىمىزگە راحمەتىمىزدى ايتقىمىز كەلەدى»-دەدى باس جاتتىقتىرۋشى.
اقتوبەنىڭ نامىسىن قورعاپ جۇرگەن ويىنشىلار كەزدەسۋ سوڭىندا وڭداسىن ورازالينگە ەستەلىككە «اقتوبە» فك-نىڭ جەيدەسىن سىيعا تارتۋ ەتتى.
ءوڭىر باسشىسى كوماندانىڭ الداعى ويىندارىنا ساتتىلىك تىلەدى.
