جاقىندا عانا جەرەبە تاستاۋ ءوتتى. قازاقستان كومانداسى 20-شى, بايقاۋ قوجايىندارى 18-ءشى, ال رەسەيلىك كوماندا ءبىرىنشى بولىپ ونەر كورسەتەتىنى بەلگىلى بولدى. ودان باسقا, بارلىق قاتىسۋشىلار قارۋ-جاراق, قاجەتتى كەرەك-جاراق جيىنتىعىن الدى جانە سايىسقا دايىندىقتىڭ شەشۋشى كەزەڭىنە كىرىسىپ كەتتى. قازاقستاندىق مەرگەندەر قارۋ-جاراقتىڭ جيىنتىقتىلىعىن تەكسەردى, كوزدەۋىش كەرەك-جاراقتى سالىستىرا تەكسەردى جانە ونى قالىپتى ۇرىسقا كەلتىرۋ ءۇشىن قارۋدى اتىپ كوردى.
سايىسقا قاتىسۋ ءۇشىن كوماندالار پوليگوندا ورىستەتىلگەن مەديتسينالىق جاساق بازاسىندا مەديتسينالىق تەكسەرۋدەن ءوتتى. ودان كەيىن بايقاۋدىڭ بارلىق كەزەڭدەرى بارىسىندا قاۋىپسىزدىك شارالارىن ساقتاۋ بويىنشا ساباقتار وتكىزىلدى. بايقاۋعا قاتىسۋعا 21 ەلدىڭ وكىلدەرى نيەت ءبىلدىردى. «مەرگەن شەبى» بايقاۋى «تانك بيتالونى» جارىسىنان عانا قالىس قالىپ, ارميالىق وينىداردىڭ بايقاۋلارى اراسىندا اسا قىزىعۋشىلىق پەن تانىمالدىلىققا يە ەكەنىن ايتا كەتكەن ءجون.
