«نەگىزگى تاماق ونىمدەرىن تۇتىنۋدىڭ ەڭ تومەنگى نورمالارىنان ەسەپتەلگەن ورتا ەسەپپەن حالىقتىڭ جان باسىنا شاققانداعى ەڭ تومەن كۇنكورىس دەڭگەيىنىڭ شاماسى 2019 جىلعى شىلدەدە 2018 جىلعى جەلتوقسانمەن سالىستىرعاندا 12% جوعارىلادى. ونىڭ قۇرىلىمىندا ەت پەن بالىقتى ساتىپ الۋعا جۇمسالعان شىعىستاردىڭ ۇلەسى – 19,9%, ءسۇت, توڭ ماي ونىمدەرى مەن جۇمىرتقانى – 14,8%, جەمىستەر مەن كوكونىستەردى – 10,9%, نان جانە جارما ونىمدەرىن – 7,4%, قانت, شاي جانە دامدەۋىشتەردى 2% قۇرادى», دەلىنگەن حابارلامادا.
ەڭ تومەن كۇنكورىس دەڭگەيى – شاماسى بويىنشا ەڭ تومەن تۇتىنۋ سەبەتiنiڭ قۇنىنا تەڭ, ءبىر ادامعا ارنالعان ەڭ تومەن اقشالاي كiرiس. ەڭ تومەن تۇتىنۋ سەبەتi ادامنىڭ تىنىس-تىرشىلىگىن قامتاماسىز ەتۋ ءۇشىن قاجەتتى تاماق ونىمدەرىنىڭ, تاۋارلار مەن كورسەتىلەتىن قىزمەتتەردىڭ زاتتاي جانە قۇن تۇرىندەگى ەڭ تومەن جيناعىن بىلدىرەدى.
