ءوندىرىستىڭ بۇل تۇرىمەن پەتروپاۆل اۋىر ماشينا جاساۋ زاۋىتى اينالىسادى. ءسويتىپ كورشى رەسەيگە ەكسپورتتالاتىن بولادى. ەلىمىز بەن جاقىن شەتەلدە تەڭدەسى جوق جوبانى جۇزەگە اسىرۋ تاجىريبەلى ۇجىمعا سەنىپ تاپسىرىلعان. قازىر ماماندار تەمىرجول ۆاگونىنىڭ قانقاسىن دايىنداۋعا قىزۋ كىرىسىپ كەتكەن.
«ۆاگوننىڭ ءار بولشەگىن بولەك-بولەك دايىندايمىز. راماعا كۋزوۆتى بەكىتەمىز, تەجەگىش قوندىرعىسىن ورناتامىز. ءىشىن پوليۋرەتاندى جابىندىمەن قاپتايمىز. ەڭ باستىسى, اۋا وتپەگەنى ماڭىزدى», دەيدى باس دانەكەرلەۋشى الەكساندر دەۆيسەنكو.
«پەتروپاۆل اۋىر ماشينا جاساۋ زاۋىتى» اق-نىڭ باس ديرەكتورى ۆاديم شاقشاقباەۆتىڭ سوزىنە قاراعاندا,ۆاگوننىڭ قىزمەت ەتۋ مەرزىمى – شيرەك عاسىر. سىيىمدىلىعى – 145 تەكشە مەتر. ونىڭ ىشىنە سالىنعان ءونىم 10 كۇنگە دەيىن ب ۇلىنبەيدى.
ماماندار ۆاگون جاساۋ تەحنولوگياسىن تەز-اق مەڭگەرىپ الىپتى. جۇمىسشىلار ايىنا 50-60 تەرموس-ۆاگون ازىرلەۋگە قاۋقارلى. قازىر كاسىپورىندا جاڭعىرتۋ جۇمىستارى دا جۇرگىزىلۋدە. جاڭا قوندىرعىلار ورناتىلىپ, ءوندىرىس كولەمىن ارتتىرۋعا مۇمكىندىك تۋدىرىلادى.
دەرەكتەرگە سۇيەنسەك, سوڭعى تەرموۆاگوندار وسىدان 30 جىل بۇرىن گەرمانيادا جاسالىپتى. رەسەي تاراپىنان زاۋىت شىعاراتىن ونىمگە سۇرانىس جوعارى بولاتىن سىڭايلى. بىرقاتار كومپانيالارمەن قىزىعۋشىلىق تانىتىپ وتىر.
كاسىپورىن باسشىلىعى ۆاگوندارعا ارنايى GPS ورناتۋدى دا جوسپارلاپ وتىر. سوندا ءونىمىن جىبەرگەن كومپانيالار تاۋاردىڭ قايدا جانە قانداي تەمپەراتۋرادا ەكەنىن باقىلاي الادى.
سولتۇستىك قازاقستان وبلىسى
