اۋعان ونىمدەرىنىڭ كورمەسى
الماتىلىقتار 3-4 تامىز كۇندەرى اۋعان ەلىنىڭ قولونەر شەبەرلەرىنىڭ كورمەسىن تاماشالاي الادى. اتالمىش كورمەگە اۋعانستان يسلام رەسپۋبليكاسىنىڭ قولونەر بۇيىمدارى ۇسىنىلادى: اعاش ويۋ, جيھازدى ارلەۋ ونەرى, گراۆيۋرامەن بەزەندىرۋ, مەتالل قۇمىرالار, زەرگەرلىك اشەكەيلەر. سونداي-اق, مىس پەن قولادان سوعىلعان ىدىس-اياقتار, ەڭبەك قۇرالدارى, ارنايى تۇرمىستىق راسىمدەرگە ارنالعان زاتتار.
«اۋعان ەلىنىڭ 30 كومپانياسى جەڭىل ونەركاسىپ بويىنشا ءتۇرلى ونىمدەرىن ۇسىنباقشى. اتاپ ايتساق, قولدان توقىلعان كىلەمدەر, دەكوراتيۆتى كەستەلەر, كيىم-كەشەك, ماتالار, كەراميكالىق بۇيىمدار, جىبەك كىلەمدەرگە سالىنعان ءارتۇرلى گەومەتريالىق كوگورىس ورنەكتى كىلەمدەر. توقىما كىلەمدەردى قويۋ قىزىل تۇسپەن بوياپ, كوپبۇرىشتى فيگۋرالارمەن ارلەگەن. كورمە كەلۋشىلەر ءۇشىن, زەرگەرلىك بۇيىمدار مەن كەپتىرىلگەن جەمىس-جيدەكتەر دە ۇسىنىلادى», - دەلىنگەن حابارلامادا.
اتالعان كورمە قر مەملەكەتتىك ورتالىق مۋزەيى, الماتىداعى اۋعانستان يسلام رەسپۋبليكاسىنىڭ باس كونسۋلدىعى جانە USAID, الماتىداعى اۋعانستان يسلام رەسپۋبليكاسىنىڭ ساۋدا اتتاشەسى, اۋعانستان يسلام رەسپۋبليكاسىنىڭ ساۋدا جانە يندۋستريا مينيسترلىگىنىڭ قولداۋىمەن جانە ىسكەر ايەلدەر اسسوتسياتسياسىمەن (AICI) بىرلەسىپ العاش رەت ۇيىمداستىرىلىپ وتىر.
وتەتىن ورنى: مەملەكەتتىك ورتالىق مۋزەي, سامال-1, 44-ءۇي
ترياتلوننان «2019 ASTC Almaty Triathlon Asian Cup» ازيا كۋبوگى
3-4 تامىزدا الماتىدا ەكىنشى رەت ترياتلوننان Elite ساناتىنداعى (كاسىپقوي) سپورتشىلار اراسىندا حالىقارالىق دودا – «2019 ASTC Almaty Triathlon Asian Cup» ازيا كۋبوگى وتەدى. اتالمىش سايىس Almaty Triathlon Federation جانە قازاقستان ترياتلون فەدەراتسياسى, «سامرۇق-قازىنا ۇلتتىق ءال-اۋقات قورى», قر مادەنيەت جانە سپورت مينيسترىلىگى, قر ۇلتتىق وليمپيادالىق كوميتەتى جانە الماتى قالاسىنىڭ اكىمدىگىنىڭ قولداۋىمەن وتكىزىلەدى.
وڭتۇستىك استانامىزدا قۇرلىقتىق كۋبوكتى وتكىزۋ مۇمكىندىگى - قازاقستان ترياتلون فەدەراتسياسى مەن ترياتلون حالىقارالىق وداعىنىڭ (ITU)قازاقستان رەسپۋبليكاسىندا ترياتلون سپورتىن دامىتۋ, سونداي-اق, تانىمالدىلىعىن ارتتىرۋ ماقساتىندا بىرلەسە وتىرىپ اتقارعان جۇمىستارىنىڭ ناتيجەسى.
قاشىقتىق ءۇش كەزەڭنەن تۇرادى: 750 م ءجۇزۋ + 20 كم ۆەلوجارىس + 5 كم جۇگىرۋ.
الەمنىڭ ءتۇرلى ەلدەرىنەن 130-عا جۋىق سپورتشى كەلەدى دەپ كۇتىلۋدە.
4 تامىزدا Age Group (اۋەسقوي) اراسىنداعى«TEMIRADAM» كۋبوگى VIII كەزەڭىنىڭ ستارتى.
«ستاندارتتى» قاشىقتىق ءۇش كەزەڭنەن تۇرادى: 1500 م ءجۇزۋ + 40 كم ۆەلوجارىس + 10 كم جۇگىرۋ.
جەكە ەسەپتە 250 اۋەسقوي سپورتشى جانە 10 ەستافەتالىق كوماندا قاتىسپاق.
وتەتىن ورنى: الماتى قالاسى, سايران كولى
ايتا كەتەيىك, ترياتلون – ءجۇزۋ, ۆەلوجارىس جانە جۇگىرۋ سەكىلدى جەكەلەگەن سپورت تۇرلەرىنەن قۇرالعان مۋلتيسپورتتى جارىس بولىپ تابىلاتىن تسيكلدىق وليمپيادالىق سپورت ءتۇرى. ترياتلون كەزەڭدەرىن سپورتشىلار كەزەكپەن جانە ءۇزىلىسسىز باعىندىرادى. حالىقارالىق دەڭگەيدە ترياتلون حالىقارالىق ترياتلون وداعىنىڭ (ITU) ەرەجەلەرىمەن رەتتەلەدى.
«ترانسفورما» كەڭىستىگىندە ەرەكشە قويىلىمدار كەشى
كورەرمەندەرگە ءۇش پەرفورمانس, سونداي-اق ۇلكەن ەكرانداعى زاماناۋي نەمىس قويىلىمى ۇسىنىلادى. ساۋندسكەيپ-پەرفورمانس «كاكوۆو» قوناقتارعا الەمنىڭ 30-دان استام ەلىن ارالاپ شىققان كوزى كورمەيتىن ساياحاتشى تۋرالى ايتىپ بەرەدى. بۇل قىسقا سپەكتاكلدە تاريح دىبىستىق لاندشافت ارقىلى باياندالادى. كومپوزيتور كونستانتين كوحان, رەجيسسەر انتۋان دۋكراۆەتس, دراماتۋرگ ولگا مالىشەۆا.
ء«ومىر ءسۇرۋ ەرەجەلەرى» مۋلتيمەديالىق ۆەرباتيمالار – بۇل مادوننا مەن ساشي بارون كوەننىڭ سۇحباتىنىڭ تەاتر تۇرىندەگى ۇلگىسى, ساحنادا ارتىستەر ەلەنا ۆوۆنوۆا مەن قۋانتاي ءابدىمادي ونەر كورسەتەدى. رەجيسسەرى – انتۋان دۋكراۆەتس, دراماتۋرگ – ولگا مالىشەۆا.
كەش murmel, Volksbühne بەرلين تەاترىنىڭ murmel سپەكتاكلىنىڭ اشىق اسپان استىنداعى ۇلكەن ەكراندا كورسەتىلىممەن اياقتالادى. سپەكتاكل-Theatertreffen-2013 فەستيۆالىنىڭ قاتىسۋشىسى, رەجيسسەر گەربەرت فريچ. بۇل – «Murmel» سوزىنەن عانا تۇراتىن سپەكتاكل ديتەر روت 174-بەتتىك پەسا جەلىسىمەن قۇرىلعان سپەكتاكل.
ۋاقىتى: 4 تامىز, 20:30
وتەتىن ورنى: الماتى ق, بايزاقوۆ كوش, 280
بيلەت باعاسى: 1000 تگ
