«يندۋستريا جانە ينفراقۇرىلىمدىق دامۋ مينيسترلىگى 2018 جىلعى 2 اقپانداعى ەۋرازيالىق ەكونوميكالىق وداقتا تاۋارلاردى سايكەستەندىرۋ قۇرالدارىمەن تاڭبالاۋ تۋرالى كەلىسىمدى ىسكە اسىرۋ اياسىندا, سونداي-اق قر پرەمەر–مينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆتىڭ توراعالىعىمەن 2019 جىلعى 17 شىلدەدەگى № 20-3/05-2208 ءماجىلىس حاتتاماسىنىڭ 8-تارماعىنىڭ 1) تارماقشاسىن ورىنداۋ شەڭبەرىندە اياق كيىم تاۋارلارىن تاڭبالاۋ جانە باقىلاۋ بويىنشا پيلوتتىق جوبانى ىسكە قوستى», دەلىنگەن حابارلامادا.
اتاپ ايتقاندا, مينيسترلىك ءىس-شارالار جوسپارىن, سونداي-اق اياق كيىم تاۋارلارىن تاڭبالاۋ جانە قاداعالاۋ جونىندەگى پيلوتتىق جوبانى وتكىزۋ جونىندەگى ادىستەمەلىك ۇسىنىمداردى ازىرلەدى جانە بەكىتتى. تاڭبالاۋ قازاقستانعا اياق كيىمدەردى زاڭسىز اكەلۋدى, ءوندىرۋدى جانە اياق كيىم تاۋارلارىنىڭ اينالىمىن ازايتۋ ءۇشىن قاجەت.
«پيلوتتىق جوبا تاڭبالاۋ مەحانيزمىن سىناقتان وتكىزۋ جانە نارىققا قاتىسۋشىلار اراسىنداعى ءوزارا ءىس-قيمىلدى جۇزەگە اسىرۋ ماقساتىندا ىسكە قوسىلدى. پيلوتتىق جوبانى وتكىزۋ كەزەڭى 2019 جىلدىڭ 30 شىلدەسىنەن 2020 جىلدىڭ 31 ناۋرىزىنا دەيىن», دەدى مينيسيرلىكتەن.
پيلوتتىق جوباعا قاتىسۋ ەرىكتى بولىپ تابىلادى, بۇل جوباعا كەز كەلگەن ۋاقىتتا مينيسترلىكپەن كەلىسىم بويىنشا قوسىلۋعا بولادى.
بۇگىنگى تاڭدا پيلوتتىق جوباعا 11 كاسىپورىن (وندىرۋشىلەر مەن يمپورتتاۋشىلار) قاتىسۋدا.
